പൗരത്വ ഭേദഗതി നിയമം: 'ഹിന്ദുക്കള്‍ പൗരത്വ ബില്ലിനെതിരെ' ഹാഷ്ടാഗ് ക്യാംപെയ്ന്‍; കെട്ടടങ്ങാതെ പ്രതിഷേധം
ഡൂള്‍ന്യൂസ് ഡെസ്‌ക്
Monday, 16th December 2019, 9:15 pm
ന്യൂദല്‍ഹി: പൗരത്വ ഭേദഗതി നിയമത്തിനെതിരെ ട്വിറ്ററില്‍ ഹാഷ്ടാഗ് ക്യാംപെയ്ന്‍ സജീവമാകുന്നു.
ഹിന്ദുക്കള്‍ പൗരത്വ ബില്ലിനെതിരെ (#Hindus Against CAB ) എന്ന ഹാഷ് ടാഗോടെ നിരവധിപേരാണ് നിയമത്തിനെതിരെയും കേന്ദ്ര സര്‍ക്കാറിനെതിരെയും ട്വീറ്റ് ചെയ്തിരിക്കുന്നത്.
ഇതിനോടകം ട്വീറ്റുകള്‍ ട്വിറ്ററില്‍ ടോപ് ട്രെന്‍ഡുകളില്‍ ഇടംപിടിച്ചു കഴിഞ്ഞു.
ബി.ജെ.പി ഇന്ത്യയെ കത്തിക്കുകയാണെന്നും ഹിന്ദുക്കള്‍ പൗരത്വ ബില്ലിനെതിരാണെന്നും ബിഹാര്‍ പ്രതിപക്ഷ നേതാവും ആര്‍.ജെ.ഡി നേതാവുമായ തേജശ്വി യാദവ് ട്വീറ്റ് ചെയ്തു.
ഭിന്നിപ്പിച്ച് ഭരിക്കുക എന്ന കേന്ദ്ര സര്‍ക്കാര്‍ നയം ഇന്ത്യയില്‍ വിലപോകില്ലെന്നും സ്വാതന്ത്ര സമരത്തിനു വേണ്ടി ഒരുമിച്ചാണ് പോരാടിയതെന്നും നിയമത്തിനെതിരെയും ഒറ്റക്കെട്ടായിരിക്കുമെന്നും ട്വീറ്റുകളില്‍ പറയുന്നു.
