പട്ടാളസിനിമയിലഭിനയിച്ച് ലാലേട്ടനെ പട്ടാളത്തിലെടുത്ത പോലെ എന്നെ പൊലീസിലെടുക്കുമോ; പൊലീസ് വേഷങ്ങളെക്കുറിച്ച് ഇന്ദ്രജിത്
എന്റര്‍ടെയിന്‍മെന്റ് ഡെസ്‌ക്
Sunday, 21st November 2021, 3:16 pm
ഒരിടവേളയ്ക്ക് ശേഷം വീണ്ടും തിയേറ്ററുകള്‍ തുറന്നപ്പോള്‍ നടന്‍ ഇന്ദ്രജിത് സുകുമാരന്റെതായി രണ്ട് സിനിമകളാണ് തിയേറ്ററുകളിലുള്ളത്. ദുല്‍ഖര്‍ സല്‍മാന്‍ നായകനായ കുറുപ്പ്, ഇന്ദ്രജിത് തന്നെ നായകനായ സ്‌പോര്‍ട്‌സ് ഡ്രാമ ‘ആഹാ’ എന്നിവയാണ് തിയേറ്ററിലെത്തിയിരിക്കുന്നത്.
സുകുമാരക്കുറുപ്പിന്റെ കഥ പറയുന്ന കുറുപ്പ് എന്ന സിനിമയില്‍ ഡി.വൈ.എസ്.പി കൃഷ്ണദാസ് എന്ന കഥാപാത്രമാണ് ഇന്ദ്രജിത് അവതരിപ്പിക്കുന്നത്.
പൊലീസ് വേഷങ്ങളുടെ നീണ്ടനിര തന്നെയാണ് ഇനി പുറത്തിറങ്ങാനുള്ളത് എന്നാണ് ഇന്ദ്രജിത് പറയുന്നത്. മാതൃഭൂമിയ്ക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു താരം.
”പട്ടാളസിനിമയില്‍ ഒട്ടേറെ അഭിനയിച്ച് ലാലേട്ടനെ പട്ടാളത്തിലെടുത്ത പോലെ എന്നെ പൊലീസില്‍ എടുക്കുമോയെന്ന് സംശയിക്കാവുന്നതാണ്,” ഇന്ദ്രജിത് ചിരിച്ചുകൊണ്ട് പറഞ്ഞു.
