എന്‍.ആര്‍.ഐകള്‍ക്കും ഇനി യു.പി.ഐ പേയ്മെന്റുകള്‍ നടത്താം; തുടക്കം 10 രാജ്യങ്ങളില്‍
ഡൂള്‍ന്യൂസ് ഡെസ്‌ക്
Thursday, 12th January 2023, 2:17 pm
ന്യൂദല്‍ഹി: വിദേശ രാജ്യങ്ങളില്‍ താമസിക്കുന്ന ഇന്ത്യക്കാര്‍ക്ക് ഉടന്‍ തന്നെ യു.പി.ഐ പേയ്മെന്റുകള്‍ സാധ്യമാകും. പത്ത് രാജ്യങ്ങളില്‍ കഴിയുന്ന നോണ്‍ റസിഡന്റ് ഇന്ത്യക്കാര്‍ക്ക് (NRI) അവരുടെ ഇന്റര്‍നാഷണല്‍ ഫോണ്‍ നമ്പര്‍ ഉപയോഗിച്ച് യു.പി.ഐ പേയ്മെന്റ് വഴി പണമയക്കാനാകും.
യു.എസ്, യു.കെ, സിംഗപ്പൂര്‍, കാനഡ, ഓസ്ട്രേലിയ, ഒമാന്‍, ഖത്തര്‍, യു.എ.ഇ, സൗദി അറേബ്യ, ഹോങ്കോങ് എന്നീ രാജ്യങ്ങളിലുള്ളവര്‍ക്കാണ് ഇന്ത്യന്‍ ഫോണ്‍ നമ്പറിന്റെ സഹായമില്ലാതെ തന്നെ യു.പി.ഐ പേയ്മെന്റ് ചെയ്യാന്‍ വഴിയൊരുങ്ങുന്നത്.
ഈ രാജ്യങ്ങളിലുള്ള എന്‍.ആര്‍.ഐകള്‍ക്ക് ഇന്ത്യന്‍ മൊബൈല്‍ നമ്പര്‍ ഇല്ലാതെ തന്നെ ഡിജിറ്റല്‍ പേയ്മെന്റുകള്‍ നടത്താന്‍ അനുവദിക്കുന്ന ഒരു സംവിധാനം രൂപപ്പെടുത്താന്‍ യു.പി.ഐയോട് ആവശ്യപ്പെട്ടെന്ന് നാഷണല്‍ പേയ്മെന്റ് കോര്‍പ്പറേഷന്‍ ഓഫ് ഇന്ത്യ (NCPI) അറിയിച്ചു.
