ന്യൂദല്‍ഹി: വ്യാജ ആരോപണങ്ങള്‍ ഉയര്‍ത്തി വൈറ്റ് ഹൗസില്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് നടത്തിയ വാര്‍ത്താസമ്മേളനം അമേരിക്കന്‍ മാധ്യങ്ങള്‍ സംപ്രേഷണം ചെയ്തില്ല എന്ന റിപ്പോര്‍ട്ടുകള്‍ക്ക് പിന്നാലെ ട്വിറ്ററില്‍ ട്രെന്‍ഡിങ്ങായി ഇന്ത്യന്‍ മീഡിയ എന്ന ഹാഷ് ടാഗ് ക്യാമ്പയിന്‍.
രാജ്യത്തെ മാധ്യമങ്ങള്‍ കേന്ദ്ര സര്‍ക്കാരിനും ബി.ജെ.പിക്കും അടിമപ്പെട്ടതിനെ വിമര്‍ശിച്ചാണ് ട്വിറ്ററില്‍ നിരവധി പേര്‍ രംഗത്തെത്തിയിരിക്കുന്നത്.
കോണ്‍ഗ്രസ് നേതാക്കളും ക്യാമ്പയിന്റെ ഭാഗമായി. വ്യാജ വാര്‍ത്തകളും പച്ചക്കള്ളങ്ങളും കൊടുക്കില്ലെന്ന് ഇന്ത്യന്‍ മാധ്യമങ്ങള്‍ തീരുമാനിക്കുമോ എന്നാണ് ട്വിറ്ററില്‍ പലരും ചോദിക്കുന്നത്.
ട്രംപിന്റെ പ്രസംഗം സംപ്രേഷണം ചെയ്യുന്നത് നിര്‍ത്തിവെച്ച വാര്‍ത്ത പങ്കുവെച്ച കര്‍ണാടക കോണ്‍ഗ്രസ് നേതാവ് പരിഹാസരൂപേനെ ട്വീറ്റ് ചെയ്തത് ഇങ്ങിനെ
”പ്രധാനമന്ത്രി നരേന്ദ്ര മോദിയുടെ പ്രസംഗം ഇന്ത്യന്‍ മാധ്യമങ്ങള്‍ സംപ്രേഷണം ചെയ്യുന്നത് നിര്‍ത്തിവെച്ചു. എന്തെന്നാല്‍ അദ്ദേഹം നുണകള്‍ മാത്രമാണ് പറയുന്നത്”
Indian Media just stopped the broadcast of Prime Minister Narendra Modi speech midway through his address because he was uttering lies & only lies.pic.twitter.com/8aigWjCODq
— Srinivas B V (@srinivasiyc) November 6, 2020
സ്വതന്ത്ര പ്രസുകള്‍ എങ്ങിനെയാണ് പ്രവര്‍ത്തിക്കുന്നതെന്ന് അമേരിക്കന്‍ മാധ്യമങ്ങള്‍ ഇന്ത്യയെ കണ്ട് പഠിക്കണമെന്ന് അഭിജിത് ദീപ്‌കേ ട്വീറ്റ് ചെയ്തു. ഇന്ത്യന്‍ മാധ്യമങ്ങള്‍ക്ക് മോദിയുടെ പ്രസംഗം സംപ്രഷണം ചെയ്യുന്നത് നിര്‍ത്തിവെക്കാന്‍ ധൈര്യമുണ്ടോ എന്നായിരുന്നു അദ്ദേഹം ചോദിച്ചത്.
Name one Indian media house/network that would be willing to do this if a leader was putting false and dangerous information out there. https://t.co/ComnIeKr2U
— Vir Das (@thevirdas) November 6, 2020
This is what free press looks like.
Trump was cut off from live by US Media for making false claims.
Can Indian media dare to do this during Modi’s speech?pic.twitter.com/U0hPXQFL5U
— Abhijeet Dipke (@abhijeet_dipke) November 6, 2020
Indian media was saying that USA should learn from our EC on how to conduct elections……
Instead of giving gyaan, our media should learn from American media on how to stop promoting liar PM. pic.twitter.com/KyZqB5Nx8G
— Spirit of Congress ✋ (@SpiritOfCongres) November 6, 2020
ഒരു ദേശത്തിന് അപകടകരമായതും, തെറ്റായതുമായ കാര്യങ്ങള്‍ പറയുന്ന നേതാക്കന്‍മാരുടെ പ്രസംഗം നിര്‍ത്തിവെക്കാന്‍ ഇന്ത്യന്‍ മാധ്യമങ്ങള്‍ക്ക് ധൈര്യമുണ്ടോ എന്നായിരുന്നു വീര്‍ ദാസ് ചോദിച്ചത്.
ഇന്ത്യന്‍ മീഡിയക്ക് ഇത്തരം വാര്‍ത്തകള്‍ പങ്കുവെക്കാന്‍ മാത്രമേ സാധിക്കൂ അതൊരിക്കലും പ്രായോഗികമാക്കാന്‍ സാധിക്കുകയില്ലെന്നും ചിലര്‍ വിമര്‍ശനം ഉന്നയിച്ചു.
ട്രംപിന്റെ പ്രസംഗത്തില്‍ നുണയും വ്യാജ പ്രചരണങ്ങളുമുണ്ടായതിനെ തുടര്‍ന്ന് അമേരിക്കന്‍ മാധ്യമങ്ങള്‍ അത് സംപ്രേക്ഷണം ചെയ്യുന്നത് നിര്‍ത്തിവെച്ചു. ഇങ്ങനെ ചെയ്യാന്‍ ധൈര്യമുള്ള ഏതെങ്കിലും ഇന്ത്യന്‍ മാധ്യമങ്ങളെ അറിയാമോ എന്നും നിരവധി പേര്‍ ട്വിറ്ററില്‍ ചോദിക്കുന്നുണ്ട്. തങ്ങള്‍ക്ക് നട്ടെല്ലുണ്ടെന്ന് ഇന്ത്യന്‍ മാധ്യമങ്ങള്‍ തെളിയിക്കേണ്ട സമയമാണിതെന്ന അഭിപ്രായവും പലരും പങ്കുവെച്ചു.
