ഇന്ത്യയുടെ സൗത്ത് ആഫ്രിക്കന്‍ പര്യടനം നവംബര്‍ എട്ട് മുതല്‍ നടക്കാനിരിക്കുകയാണ്. എന്നാല്‍ പുതിയ വിവരങ്ങളുടെ അടിസ്ഥാനത്തില്‍ ഇന്ത്യന്‍ ടീമിന്റെ മുഖ്യ പരിശീലകന്‍ ഗൗതം ഗംഭീര്‍ ടീമിന്റെ കൂടെ പോകുന്നില്ല. ഇതോടെ മുന്‍ സൂപ്പര്‍ താരം വി.വി.എസ് ലക്ഷ്മണാണ് ഇന്ത്യന്‍ ടീമിനൊപ്പം പരിശീലകനായി പോകുന്നത്.
2024-25 ബോര്‍ഡര്‍-ഗവാസ്‌കര്‍ പരമ്പര ആരംഭിക്കുന്നതിനാലാണ് ഗൗതം ഗംഭീറിന് പകരമായി ലക്ഷ്മണിനെ സൗത്ത് ആഫ്രിക്കന്‍ പര്യടനത്തിന് ബി.സി.സി.ഐ അയക്കുന്നത്. നവംബര്‍ 22 മുതല്‍ പെര്‍ത്തിലാണ് ബോര്‍ഡര്‍ഗവാസ്‌കര്‍ ട്രോഫി ആരംഭിക്കുന്നത്. ലക്ഷ്മണിനെ സൗത്ത് ആഫ്രിക്കന്‍ പര്യടനത്തില്‍ പരിശീലകനായി നിയമിച്ച വാര്‍ത്ത ബി.സി.സി.ഐ ഉദ്യോഗസ്ഥന്‍ ക്രിക്ബസിനോട് പറയുകയായിരുന്നു.
ലക്ഷ്മണിനെ കൂടാതെ ബെംഗളൂരുവിലെ നാഷണല്‍ ക്രിക്കറ്റ് അക്കാദമി കോച്ചിങ്, സപ്പോര്‍ട്ട് സ്റ്റാഫായ സായിരാജ് ബഹുതുലെ, റിഷികേശ് കനിത്കര്‍, ശുഭ്ദീപ് ഘോഷ് എന്നിവരും സൗത്ത് ആഫ്രിക്കന്‍ പരിശീലക സംഘത്തിന്റെ ഭാഗമാകും.
ഇന്ത്യന്‍ സ്‌ക്വാഡ്: സൂര്യകുമാര്‍ യാദവ് (ക്യാപ്റ്റന്‍), അഭിഷേക് ശര്‍മ, സഞ്ജു സാംസണ്‍ (വിക്കറ്റ് കീപ്പര്‍), റിങ്കു സിങ്, തിലക് വര്‍മ, ജിതേഷ് ശര്‍മ (വിക്കറ്റ് കീപ്പര്‍), ഹര്‍ദിക്ക് പാണ്ഡ്യ, അക്സര്‍ പട്ടേല്‍, രമണ്‍ദീപ് സിങ്, വരുണ്‍ ചക്രവര്‍ത്തി, രവി ബിഷ്ണോയി, അര്‍ഷ്ദീപ് സിങ്, വിജയ്കുമാര്‍ വൈശാഖ്, ആവേശ് ഖാന്‍, യാഷ് ദയാല്‍
ഒന്നാം ടി-20 ഐ – നവംബര്‍ 8 – ഡര്‍ബന്‍ (വേദി)
രണ്ടാം ടി20 ഐ – നവംബര്‍ 10 – ഗ്കെബെര്‍ഹ
മൂന്നാം ടി-20 ഐ – നവംബര്‍ 13 – ശതാധിപന്‍
നാലാം ടി-20 ഐ – നവംബര്‍ 15 – ജോഹന്നാസ്ബര്‍ഗ്
അതോസമയം ന്യൂസിലാന്‍ഡിന്റെ ഇന്ത്യന്‍ പര്യടനത്തിലെ രണ്ടാം ടെസ്റ്റിലും ഇന്ത്യ അമ്പരപ്പിക്കുന്ന തോല്‍വിയായിരുന്നു ഏറ്റുവാങ്ങിയത്. മഹാരാഷ്ട്ര ക്രിക്കറ്റ് അസോസിയേഷന്‍ സ്റ്റേഡിയത്തില്‍ നടന്ന മത്സരത്തില്‍ 113 റണ്‍സിനാണ് ഇന്ത്യ പരാജയപ്പെട്ടത്.
ആദ്യ ഇന്നിങ്‌സില്‍ കിവീസ് ഉയര്‍ത്തിയത് 259 റണ്‍സായിരുന്നു. എന്നാല്‍ തുടര്‍ ബാറ്റിങ്ങിന് ഇറങ്ങിയ ഇന്ത്യയെ സ്പിന്‍ തന്ത്രം കൊണ്ട് 156 റണ്‍സിന് കിവികള്‍ തകര്‍ക്കുകയായിരുന്നു. ശേഷം രണ്ടാം ഇന്നിങ്‌സില്‍ കിവീസ് 255 റണ്‍സാണ് നേടിയത്.
ശേഷം 359 റണ്‍സിന്റെ ടാര്‍ഗറ്റിന് ഇറങ്ങിയ ഇന്ത്യയ്ക്ക് 245 റണ്‍സ് നേടി സ്വന്തം മണ്ണില്‍ തോല്‍വി വഴങ്ങാനാണ് സാധിച്ചത്. 12 വര്‍ഷങ്ങള്‍ക്ക് ശേഷമാണ് ഇന്ത്യ ഒരു ഹോം ടെസ്റ്റില്‍ പരാജയപ്പെടുന്നത്.
Content Highlight: Indian Team’s Head Coach Gautam Gambhir is not going For South African Series