മള്‍ട്ടി മോഡല്‍ കാര്‍ഗോ ടെര്‍മിനലുകളൊരുക്കാന്‍ ഇന്ത്യന്‍ റെയില്‍വേ; പദ്ധതി പ്രഖ്യാപിച്ച് റെയില്‍വേ മന്ത്രി
ഡൂള്‍ന്യൂസ് ഡെസ്‌ക്
Thursday, 14th October 2021, 8:57 pm
ന്യൂദല്‍ഹി: പ്രധാന്‍മന്ത്രി ഗതി ശക്തിയുടെ ഭാഗമായി 500 മള്‍ട്ടി മോഡല്‍ കാര്‍ഗോ ടെര്‍മിനലുകള്‍ നിര്‍മിക്കാനൊരുങ്ങി ഇന്ത്യന്‍ റെയില്‍വേ. അടുത്ത 5 വര്‍ഷത്തിനിടെ പദ്ധതി പൂര്‍ത്തീകരിക്കാനാണ് ആലോചിക്കുന്നത്.
‘പ്രധാന്‍മന്ത്രി ഗതി ശക്തി മള്‍ട്ടി മോഡല്‍ കാര്‍ഗോ ടെര്‍മിനലുകള്‍ മറ്റ് ഗതാഗത മാര്‍ഗങ്ങളുമായി തടസ്സമില്ലാത്ത രീതിയില്‍ കോര്‍ത്തിണക്കുന്ന തരത്തിലുള്ള ടെര്‍മിനലുകളായിരിക്കും.
അടുത്ത 4 മുതല്‍ 5 വര്‍ഷത്തിനിടെ ഇത്തരത്തില്‍ 500 കാര്‍ഗോ ടെര്‍മിനലുകള്‍ നിര്‍മിക്കാനാണ് പദ്ധതിയിടുന്നത്,’ റെയില്‍വേ മന്ത്രിയായ അശ്വിനി വൈഷ്ണവ് പറഞ്ഞു.
