ജൊഹന്നാസ്ബര്‍ഗ്: ദക്ഷിണാഫ്രിക്കയിലെ ഏറ്റവും ഉയര്‍ന്ന ജുഡീഷ്യല്‍ ബെഞ്ചായ കോണ്‍സ്റ്റിറ്റ്യൂഷണല്‍ കോര്‍ട്ടില്‍ ഇന്ത്യക്കാരനായ ജഡ്ജിയെ നിയമിച്ചു.
64കാരനായ നരേന്ദ്രന്‍ ജോദി കൊല്ലപെന് ആണ് ജഡ്ജിയായി തെരഞ്ഞെടുക്കപ്പെട്ടത്.
പ്രസിഡന്റ് സിറില്‍ റാമഫോസയാണ് ഇത് സംബന്ധിച്ച പ്രഖ്യാപനം വെള്ളിയാഴ്ച നടത്തിയത്. നീണ്ട പൊതു അഭിമുഖങ്ങള്‍ക്ക് ശേഷമാണ് കൊല്ലപെനെ കോണ്‍സ്റ്റിറ്റ്യൂഷണല്‍ കോടതിയില്‍ നിയമിച്ചിരിക്കുന്നത്.
കോടതിയില്‍ നിലവിലുണ്ടായിരുന്ന രണ്ട് ഒഴിവുകളിലേക്ക് ഇന്ത്യന്‍ വംശജന്‍ കൊല്ലപെന് പുറമെ ജസ്റ്റിസ് റമ്മക സ്റ്റീവന്‍ മതൊപൊയെയും നിയമിച്ചിട്ടുണ്ട്. ഇരുവരും 2022 ജനുവരി ഒന്നിന് ഔദ്യോഗികമായി ചുമതലയേല്‍ക്കും.
1982ലാണ് കൊല്ലപെന് അഭിഭാഷകവൃത്തി ആരംഭിച്ചത്. പൊതു താല്‍പര്യ വിഷയങ്ങളിലാണ് അദ്ദേഹം ശ്രദ്ധ കേന്ദ്രീകരിച്ചിരുന്നത്.
ദക്ഷിണാഫ്രിക്കയുടെ മനുഷ്യാവകാശ കമ്മീഷന്‍ കമ്മീഷണറായി 1997 മുതല്‍ ഏഴ് വര്‍ഷവും പ്രവര്‍ത്തിച്ചിട്ടുണ്ട്.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlight: Indian-origin judge appointed as South Africa’s highest Judicial Bench