കേരളത്തില്‍ പുതിയൊരു രാഷ്ട്രീയ പാര്‍ട്ടി കൂടി; ഇന്ത്യന്‍ ലേബര്‍ പാര്‍ട്ടി പ്രഖ്യാപനം ഇന്ന്
ഡൂള്‍ന്യൂസ് ഡെസ്‌ക്
Friday, 14th August 2020, 8:12 am
കൊച്ചി: നേരത്തെ ബി.എസ്.പിയിലും മറ്റ് ദളിത്-പിന്നോക്ക സമുദായ സംഘടനകളിലും പ്രവര്‍ത്തിച്ചിരുന്നവര്‍ കേരളത്തില്‍ പുതിയ രാഷ്ട്രീയ പാര്‍ട്ടി രൂപീകരിച്ചു. ഇന്ത്യന്‍ ലേബര്‍ പാര്‍ട്ടിയെന്ന പുതിയ പാര്‍ട്ടിയുടെ പ്രഖ്യാപനം വെള്ളിയാഴ്ച കൊച്ചിയില്‍ നടക്കും.
കേരളത്തിലെ പാര്‍ശ്വവല്‍കൃത ജനവിഭാഗങ്ങളുടെ പ്രശ്‌നങ്ങള്‍ ഏറ്റെടുക്കുന്നതിലും പരിഹരിക്കുന്നതിലും മുഖ്യധാര രാഷ്ട്രീയ പാര്‍ട്ടികള്‍ ദയനീയമായി പരാജയപ്പെട്ടിരിക്കുന്നു. അതിരൂക്ഷമായ തൊഴിലില്ലായ്മ, വിലക്കയറ്റം തുടങ്ങിയ സാധാരണ ജനങ്ങളുടെ ജീവിതം സമാനതകളില്ലാത്ത വിധം ദുരിതപൂര്‍ണ്ണമായ മാറിയ സാഹചര്യത്തില്‍ പുതിയ ജനാധിപത്യ മുന്നേറ്റം കേരളത്തില്‍ അനിവാര്യമാണെന്ന് ഇന്ത്യന്‍ ലേബര്‍ പാര്‍ട്ടി നേതാക്കള്‍ പറയുന്നു.
