ഖത്തര്‍ ലോകകപ്പില്‍ മത്സരിച്ച ഏഷ്യന്‍ ടീമുകളുമായി ഏറ്റുമുട്ടാന്‍ ഇന്ത്യക്ക് അവസരം ലഭിക്കുന്നു. വരുന്ന മാര്‍ച്ചില്‍ വെസ്റ്റ് ഏഷ്യന്‍ ഫുട്ബോള് ഫെഡറേഷന്റെ ചാമ്പ്യന്‍ ഷിപ്പില്‍ കളിക്കാനുള്ള അവസരമാണ് ഇന്ത്യയെ തേടിയെത്തിയിരിക്കുന്നത്. ടൈംസ് ഓഫ് ഇന്ത്യയാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.
12 പശ്ചിമേഷ്യന്‍ രാജ്യങ്ങള്‍ പങ്കെടുക്കുന്ന ടൂര്‍ണമെന്റ് യു.എ.ഇയിലാണ് അരങ്ങേറുന്നത്. ടൂര്‍ണമെന്റിലേക്ക് ഫെഡറേഷന്‍ പുറത്ത് നിന്നുള്ള ചില ടീമുകളെയും ക്ഷണിക്കാറുണ്ട്. അങ്ങനെയാണ് ടീം ഇന്ത്യക്ക് ക്ഷണം എത്തിയത്.
📸 Scenes from the #HeroSantoshTrophy 🏆 clashes 💪🏼#IndianFootball ⚽ pic.twitter.com/moDUn1zbO2
— Indian Football Team (@IndianFootball) January 11, 2023
ടൂര്‍ണമെന്റില്‍ ഇന്ത്യയുടെ പങ്കാളിത്തം ഉറപ്പായാല്‍ ഫിഫ ലോകകപ്പ് 2022ല്‍ ആതിഥേയരായ ഖത്തറിനോടും സൗദി അറേബ്യയോട് കൊമ്പുകോര്‍ക്കാന്‍ ഇന്ത്യക്ക് അവസരം ലഭിക്കും. ഇറാഖ്, ലെബനന്‍ സിറിയ തുടങ്ങിയ രാജ്യങ്ങളും ലോകകപ്പ് യോഗ്യതാ റൗണ്ടിന്റെ അവസാനഘട്ട് വരെ എത്തിയിരുന്നു.
ഇതിനിടെ അടുത്ത ഫുട്ബോള് ലോകകപ്പില്‍ ഇന്ത്യ കളിക്കാനുള്ള സാധ്യതയുണ്ടെന്ന് ഫിഫ പ്രസിഡന്റ് ജിയാനി ഇന്‍ഫന്റീനോ പറഞ്ഞിരുന്നു. യു.എസ്-മെക്‌സിക്കോ-കാനഡ ലോകകപ്പില്‍ 16 ടീമുകള്‍ക്ക് കൂടി യോഗ്യത നല്‍കുന്നത് ചൂണ്ടിക്കാട്ടിയാണ് ഇന്‍ഫന്റീനോയുടെ പരാമര്‍ശം.
#OTD in 2019 the #BlueTigers 🐯 got their first victory in 59 years in the AFC Asian Cup Final Rounds 🙌#BackTheBlue 💙 #IndianFootball ⚽ pic.twitter.com/ReXNde5NuH
— Indian Football Team (@IndianFootball) January 6, 2023
