ബംഗ്ലാദേശ് വനിതാ ടീമിന്റെ ഇന്ത്യന്‍ പരിശീലകര്‍ പാകിസ്ഥാനിലേക്ക് പോകില്ല
സ്പോര്‍ട്സ് ഡെസ്‌ക്
Sunday, 29th September 2019, 11:23 pm
ധാക്ക: ബംഗ്ലാദേശ് വനിതാ ടീമിന്റെ പരിശീലക സംഘത്തിലുള്ള ഇന്ത്യക്കാര്‍ അടുത്ത മാസം നടക്കുന്ന പാക് പര്യടനത്തില്‍ നിന്നും വിട്ടു നില്‍ക്കും. ഹെഡ് കോച്ച് അഞ്ജു ജെയിന്‍, അസിസ്റ്റന്റ് കോച്ച് ദേവിക പല്‍ഷികര്‍, ട്രെയിനര്‍ കവിതാ പാണ്ഡെ എന്നിവരാണ് വിട്ടു നില്‍ക്കുന്നത്.
ഒക്ടോബര്‍ 26 മുതല്‍ നവംബര്‍ 4 വരെ ലാഹോറിലെ ഗദ്ദാഫി സ്റ്റേഡിയത്തിലാണ് മത്സരങ്ങള്‍ നടക്കുന്നത്. സുരക്ഷാ സാഹചര്യങ്ങള്‍ പരിശോധിച്ച ശേഷം മാത്രമേ ബംഗ്ലാദേശ് ടീമും പാകിസ്ഥാനിലേക്ക് പോകുന്നുള്ളൂ. അതേസമയം ഒക്ടോബര്‍ 20 മുതല്‍ 28 വരെ നടക്കുന്ന വുമണ്‍സ് ഏഷ്യാ കപ്പിനായി ഇന്ത്യന്‍ പരിശീലകര്‍ ബംഗ്ലാദേശ് ടീമിനൊപ്പം പോകും.
