കറാച്ചി: ചാമ്പ്യന്‍സ് ട്രോഫിയില്‍ ഇന്ത്യക്കെതിരെ തോറ്റമ്പിയ പാക്കിസ്ഥാന്‍ ടീമിനെതിരെ വലിയ വിമര്‍ശനങ്ങളായിരുന്നു ഉയര്‍ന്നിരുന്നത്. വിജയങ്ങള്‍ കൈപ്പിടിയിലൊതുക്കാനാകാത്ത ടീമിനെ എല്ലാവരും ഒന്നടങ്കം പഴിച്ചു. ഇതിനിടെയായിരുന്നു ഇന്ത്യന്‍ നായകനായ കോഹ്‌ലിയുടെ ആരാധികയായ പാക് മധ്യമപ്രവര്‍ത്തകയുടെ ട്വീറ്റും.
പാകിസ്താന്‍ ടീമിനെ മുഴുവനെടുത്ത് പകരം ഒരു വര്‍ഷത്തേക്ക് വിരാട് കോഹ്‌ലിയെ ഞങ്ങള്‍ക്ക് തരൂ എന്നായിരുന്നു മാധ്യമപ്രവര്‍ത്തക നസ്റാന ഗഫാറിന്റെ ട്വീറ്റ്.
എന്നാല്‍ ട്വീറ്റ് ഇന്ത്യന്‍ ടീമിനെ അഭിനന്ദിച്ചുകൊണ്ടായിരുന്നില്ലെങ്കിലും ഇന്ത്യന്‍ ആരാധകര്‍ക്ക് അതത്ര പിടിച്ചില്ല.
Dont Miss ജീവിതത്തിന് തടസമാകുമെങ്കില്‍ കരിയര്‍ ഉപേക്ഷിക്കാനും തയ്യാര്‍: ഫഹദ് ഫാസില്‍
ആദ്യം കാശ്മീര്‍, ഇപ്പോള്‍ കോഹ്‌ലി…നിങ്ങള്‍ കെ എന്ന അക്ഷരത്തിനോട് പ്രത്യേക താത്പര്യമുള്ളവരാണെന്നു തോന്നുന്നു. പക്ഷേ നിങ്ങള്‍ ക്ഷമിക്കണം. കോഹ്‌ലിയും കാശ്മീരും നിങ്ങള്‍ക്കു കിട്ടില്ലെന്നായിരുന്നു ഒരാളുടെ ട്വീറ്റ്.
യഥാര്‍ത്ഥത്തില്‍ നിങ്ങള്‍ ഇന്ത്യയോട് യാചിച്ചതാണോ? സോഷ്യല്‍ മീഡിയയില്‍ വരുന്ന ഏറ്റവും നീചമായ പ്രസ്താവനയില്‍ ഒന്നാണ് ഇതെന്നുമാണ് ചിലരുടെ പ്രതികരണം.
ഇന്ത്യക്കാര്‍ക്കെന്നല്ല സിംബാബ്‌വെക്കാര്‍ക്ക് പോലും നിങ്ങളുടെ ടീമിനെ വേണ്ടി വരില്ലെന്നും ഞങ്ങള്‍ ഭിക്ഷക്കാരെ പ്രോത്സാഹിപ്പിക്കില്ലെന്നുമൊക്കെയാണ് നസ്റാനയുടെ ട്വീറ്റിന് കോഹ്‌ലി ആരാധകര്‍ നല്‍കിയ മറുപടി.
പാകിസ്ഥാന്റെ ഏറ്റവും മോശം പ്രകടനമാണിതെന്നും വിജയിക്കാന്‍ ശ്രമിക്കുന്നുണ്ടെന്ന് നടിക്കുകയെങ്കിലും ചെയ്യൂ എന്നും പാക് ടീമിനെ വിമര്‍ശിച്ച് നസ്റാന ട്വീറ്റ് ചെയ്തിട്ടുണ്ട്.