ബാങ്കോക്: തോമസ് കപ്പ് ബാഡ്മിന്റണില്‍ ഇന്ത്യ ചാമ്പ്യന്മാര്‍. ചരിത്രത്തില്‍ ആദ്യമായാണ് ഇന്ത്യ തോമസ് കപ്പ് കിരീടം നേടുന്നത്.

തോമസ് കപ്പില്‍ ഇന്തോനേഷ്യയെ ഫൈനലില്‍ തോല്‍പ്പിച്ചാണ് ഇന്ത്യയുടെ കിരീടനേട്ടം. സ്‌കോര്‍ 3-0.

ആദ്യത്തെ അഞ്ച് മത്സരങ്ങളില്‍ മൂന്നും ജയിച്ചാണ് ഇന്ത്യ കിരീടം സ്വന്തമാക്കിയത്. മുമ്പ് 14 തവണ തോമസ് കപ്പ് ചാമ്പ്യന്മാരായിരുന്ന ടീമാണ് ഇന്തോനേഷ്യ.

ഇന്ത്യന്‍ ടീമിന്റെ വിജയത്തില്‍ സന്തോഷം അറിയിച്ചുകൊണ്ട് ബാഡ്മിന്റണ്‍ അസോസിയേഷന്‍ ഓഫ് ഇന്ത്യ ട്വീറ്റും പങ്കുവെച്ചിട്ടുണ്ട്.

HISTORY SCRIPTED 🥺❤️

Pure show of grit and determination & India becomes the #ThomasCup champion for the 1️⃣st time in style, beating 14 times champions Indonesia 🇮🇩 3-0 in the finals 😎

It’s coming home! 🫶🏻#TUC2022#ThomasCup2022#ThomasUberCups#IndiaontheRise#Badminton pic.twitter.com/GQ9pQmsSvP

— BAI Media (@BAI_Media) May 15, 2022

വേള്‍ഡ് ബാഡ്മിന്റണ്‍ ഫെഡറേഷനും തോമസ് കപ്പിലെ ഇന്ത്യന്‍ വിജയത്തില്‍ ട്വീറ്റ് പങ്കുവെച്ചു.

Incredible scenes in Bangkok. India 🇮🇳 have created history 🤩#ThomasUberCups #Bangkok2022 pic.twitter.com/2xgGQBabay

— BWF (@bwfmedia) May 15, 2022

അതേസമയം, ക്വാര്‍ട്ടര്‍, സെമിഫൈനല്‍ മത്സരങ്ങളില്‍ ഇന്ത്യയുടെ വിജയശില്‍പിയായത് മലയാളി താരം എച്ച്.എസ്. പ്രണോയിയാണ്. ഫൈനലില്‍ ലക്ഷ്യ സെന്‍, സാത്വിക്- ചിരാഗ് സഖ്യം, കിടമ്പി ശ്രീകാന്ത് എന്നിവര്‍ മികച്ച പ്രകടനം പുറത്തെടുത്തു.

ശ്രീകാന്ത്, ലക്ഷ്യ സെന്‍ എന്നിവര്‍ സിംഗിള്‍സിലും ഡബിള്‍സില്‍ സാത്വിക്- ചിരാഗ് സഖ്യവും വിജയിച്ചതോടെയാണ് 3-0ന് ഇന്ത്യ ഫൈനലില്‍ ജയിച്ചത്.

ആദ്യമായായിരുന്നു ഇന്ത്യന്‍ ടീം തോമസ് കപ്പിന്റെ ഫൈനലിലെത്തിയതും.

Content Highlight: Indian Badminton team wins Thomas cup for the first time