മണിരത്നം ചിത്രത്തിന് പിന്നാലെ ആരാധകര്‍ക്ക് വീണ്ടും സര്‍പ്രൈസ്; കമലിന്റെ ജന്മദിനത്തില്‍ ഇന്ത്യന്‍ 2 പുതിയ പോസ്റ്റര്‍
എന്റര്‍ടെയിന്‍മെന്റ് ഡെസ്‌ക്
Monday, 7th November 2022, 9:40 am
മണിരത്നം ചിത്രത്തിന്റെ പ്രഖ്യാപനത്തിന് പിന്നാലെ കമല്‍ ഹാസന്റെ ജന്മദിനത്തില്‍ ആരാധകര്‍ക്ക് വീണ്ടും സര്‍പ്രൈസ്. തെന്നിന്ത്യന്‍ സിനിമ ലോകം കാത്തിരിക്കുന്ന ഇന്ത്യന്‍ 2വിന്റെ പുതിയ പോസ്റ്റര്‍ പുറത്ത് വിട്ടുകൊണ്ടാണ് സംവിധായകന്‍ ശങ്കര്‍ കമലിന് ജന്മദിനാശംസകള്‍ നേര്‍ന്നത്.
1996-ല്‍ ശങ്കര്‍ തന്നെ സംവിധാനം ചെയ്ത് പുറത്തിറങ്ങിയ ഇന്ത്യന്‍ എന്ന ചിത്രത്തിന്റെ രണ്ടാം ഭാഗമാണ് ചിത്രം. തമിഴ് ക്ലാസിക് കള്‍ട്ട് ചിത്രം ഇന്ത്യന്റെ രണ്ടാം ഭാഗം ചെയ്യുമെന്ന് 2017ലായിരുന്നു കമല്‍ ഹാസനും ശങ്കറും പ്രഖ്യാപിച്ചത്.
തമിഴ്, തെലുങ്ക്, ഹിന്ദി, മലയാളം, കന്നഡ ഭാഷകളിലായി അടുത്ത വര്‍ഷം ദസറ- ദീപാവലി സീസണുകളിലേതെങ്കിലുമൊന്നില്‍ ചിത്രം റിലീസ് ചെയ്യുമെന്ന റിപ്പോര്‍ട്ടുകള്‍ നേരത്തെ പുറത്തുവന്നിരുന്നു.
