'കേരളാ ബ്ലാസ്‌റ്റേഴ്‌സിന്റെ' ശിക്ഷണത്തില്‍ ഇന്ത്യയുടെ കൗമാര നിരയ്ക്ക് കിരീടം; സാഫില്‍ മുത്തമിട്ട് 'ബ്ലൂ ടൈഗര്‍ ജൂനിയേഴ്‌സ്'
സ്പോര്‍ട്സ് ഡെസ്‌ക്
Monday, 11th September 2023, 11:29 am
സാഫ് കപ്പ് അണ്ടർ 16 ടൂർണമെന്റിൽ ബംഗ്ലാദേശിനെ തോൽപ്പിച്ചുകൊണ്ട് ഇന്ത്യ കിരീടം സ്വന്തമാക്കി. ഫൈനലിൽ ബംഗ്ലാദേശിനെ എതിരില്ലാത്ത രണ്ട് ഗോളിനായിരുന്നു ഇന്ത്യ വീഴ്ത്തിയത്.
ഭൂട്ടാനിലെ തിംഫുവിലെ ചംഗ്ലിമിതാങ് സ്റ്റേഡിയത്തിലായിരുന്നു ആവേശകരമായ മത്സരം നടന്നത്. മത്സരത്തിന്റെ എട്ടാം മിനിറ്റിൽ ഭരത് ലയ്റെൻജാമും 74-ാം മിനിറ്റിൽ ലെവിസ് സാങ്മിൻലുണ്ണും ഇന്ത്യക്കുവേണ്ടി ഗോളുകൾ നേടി. മത്സരത്തിൽ എതിരാളികൾക്ക് മേൽ സമ്പൂർണ്ണ ആധിപത്യമാണ് ഇന്ത്യൻ ടീം കാഴ്ചവെച്ചത്. മത്സരത്തിന്റെ അവസാനഘട്ടത്തിൽ ബംഗ്ലാദേശ് ശക്തമായ അക്രമണങ്ങൾ നടത്തിയെങ്കിലും ഇന്ത്യൻ പ്രതിരോധം കുലുങ്ങാതെ പിടിച്ചുനിൽക്കുകയായിരുന്നു.
