ഇന്ത്യ – സിംബാബ്‌വേ പരമ്പരയ്ക്ക് വ്യാഴാഴ്ച തുടക്കമാവുകയാണ്. മൂന്ന് ഏകദിനങ്ങളടങ്ങിയ പരമ്പരയിലെ ആദ്യ മത്സരമാണ് ഹരാരെയില്‍ നടക്കുന്നത്.
മലയാളി താരം സഞ്ജു സാംസണ്‍ ആദ്യ മത്സരത്തിനുള്ള പ്ലെയിങ് ഇലവനില്‍ ഇടം നേടിയിട്ടുണ്ട്. വിക്കറ്റ് കീപ്പര്‍ ബാറ്ററായിട്ടാണ് താരം ടീമില്‍ ഇടം നേടിയിരിക്കുന്നത്.
വിക്കറ്റ് കീപ്പര്‍ ബാറ്ററായ ഇഷാന്‍ കിഷനും ടീമില്‍ ഇടം നേടിയിട്ടുണ്ട്.
അതേസമയം, ആദ്യ മത്സരത്തില്‍ ടോസ് നേടിയ ഇന്ത്യ ബൗളിങ് തെരഞ്ഞെടുത്തു. ക്യാപ്റ്റന്‍ രാഹുലും ധവാനുമാണ് ഓപ്പണര്‍മാര്‍. മൂന്നാമനായി ശുഭ്മന്‍ ഗില്ലാണ് കളത്തിലിറങ്ങുക.
ഏറെ കാലത്തിന് ശേഷം ദീപക് ചഹര്‍ തിരിച്ചെത്തുന്നു എന്ന പ്രത്യേകതയും മത്സരത്തിനുണ്ട്. ചൈനാമാന്‍ സ്പിന്നര്‍ കുല്‍ദീപ് യാദവ് സ്പിന്‍ ആക്രമണത്തിന് തിരികൊളുത്തുമ്പോള്‍ അക്‌സര്‍ പട്ടേലായിരിക്കും പിന്തുണയ്ക്കുന്നത്.
സിറാജും പ്രസിദ്ധ് കൃഷ്ണയും ഒപ്പം ചഹറും നയിക്കുന്ന പേസ് നിര ഷെവ്‌റോണ്‍സിനെ എറിഞ്ഞിടാന്‍ പോന്നതുതന്നെയാണ്.
