ഓസ്ട്രേലിയക്കെതിരായ ഏകദിന പരമ്പരയിലെ ആദ്യ മത്സരം സ്വന്തമാക്കിയിരിക്കുകയാണ് ടീം ഇന്ത്യ. മുംബൈ വാംങ്കടെയില്‍ നടന്ന ആവേശകരമായ മത്സരത്തില്‍ അഞ്ച് വിക്കറ്റിനാണ് ഇന്ത്യ ഓസീസിനെ കീഴടക്കിയത്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഓസ്‌ട്രേലിയ 35.4 ഓവറില്‍ 188 റണ്‍സിന് പുറത്തായി. മറുപടി ബാറ്റിങ്ങിനിറങ്ങിയ ഇന്ത്യ 39.5 ഓവറില്‍ വിജയത്തിലെത്തുകയായിരുന്നു.
തുടര്‍ച്ചയായ മോശം പ്രകടനങ്ങളിലൂടെ വിമര്‍ശനങ്ങള്‍ ഏറ്റുവാങ്ങേണ്ടിവന്ന കെ.എല്‍. രാഹുലിന്റെ ബാറ്റിങ് പ്രകടനമാണ് ഇന്ത്യൽ വിജയത്തിന് നിര്‍ണായകമായത്.
39 റണ്‍സിന് നാല് വിക്കറ്റ് നഷ്ടത്തില്‍ എന്ന നിലയിലും, അഞ്ച് വിക്കറ്റിന് 83 റണ്‍സ് എന്ന നിലയിലും പതറിയ ഇന്ത്യയെ ആറാം വിക്കറ്റില്‍ രവീന്ദ്ര ജഡേജക്കൊപ്പം രാഹുല്‍ പടുത്തുയര്‍ത്തിയ സെഞ്ച്വറി കൂട്ടുകെട്ട് രക്ഷിക്കുകയായിരുന്നു.
There was the fielding too!#RavindraJadeja #INDvAUS pic.twitter.com/iBH317Pa3V
— Wisden India (@WisdenIndia) March 17, 2023
ഇതോടൊപ്പം തന്നെ ഇന്ത്യന്‍ നിരയിലെ ഫീല്‍ഡിങ് പ്രകടനവും വലിയ രീതിയില്‍ പ്രകീര്‍ത്തിക്കപ്പെടുന്നുണ്ട്. ഓസീസ് സ്‌കോര്‍ 188 റണ്‍സില്‍ ഒതുക്കാന്‍ ബൗളര്‍മാരെ പോലെ തന്നെ ഫീല്‍ഡിങ്ങിലെ പെര്‍ഫോമന്‍സും ഇന്ത്യയെ സഹായിച്ചു.
