ഇന്ധനവില വീണ്ടും കുറഞ്ഞേക്കും; തെരഞ്ഞെടുപ്പ് മുന്നില്‍ക്കണ്ട് നിര്‍ണായക നീക്കവുമായി കേന്ദ്രസര്‍ക്കാര്‍
ഡൂള്‍ന്യൂസ് ഡെസ്‌ക്
Tuesday, 23rd November 2021, 10:10 pm
ന്യൂദല്‍ഹി: രാജ്യത്ത് വീണ്ടും ഇന്ധനവില കുറഞ്ഞേക്കും. കരുതല്‍ ശേഖരത്തില്‍ നിന്ന് അസംസ്‌കൃത എണ്ണ പൊതുവിപണിയിലെത്തിക്കാനാണ് കേന്ദ്രസര്‍ക്കാര്‍ നീക്കം.
50 ലക്ഷം ബാരല്‍ അസംസ്‌കൃത എണ്ണയാണ് വിപണിയിലെത്തിക്കുക. നിലവിലെ കണക്ക് പ്രകാരം 38 ദശലക്ഷം ബാരല്‍ അസംസ്‌കൃത എണ്ണയാണ് കരുതല്‍ ശേഖരത്തില്‍ ഉള്ളത്.
അമേരിക്ക, ജപ്പാന്‍, കൊറിയ, ചൈന തുടങ്ങിയ രാജ്യങ്ങള്‍ കരുതല്‍ ശേഖരത്തില്‍ നിന്ന് വിപണിയിലെത്തിച്ച് വില വര്‍ധന പിടിച്ചു നിര്‍ത്താന്‍ ശ്രമം നടത്തിയിരുന്നു.
ഇത്തരം തീരുമാനം വഴി ക്രൂഡ് ഓയില്‍ വില കുറയ്ക്കാന്‍ ഒപെക് രാജ്യങ്ങളെ നിര്‍ബന്ധിതമാക്കുക ആണ് രാജ്യങ്ങളുടെ ലക്ഷ്യം.
