ടി-20 ലോകകപ്പിന് പിന്നാലെ നടക്കുന്ന ഇന്ത്യയുടെ സിംബാബ്‌വന്‍ പര്യടനത്തിനുള്ള സ്‌ക്വാഡ് പ്രഖ്യാപിച്ചു. ശുഭ്മന്‍ ഗില്ലിനെ നായകനാക്കിയാണ് ഇന്ത്യ സ്‌ക്വാഡ് പ്രഖ്യാപിച്ചിരിക്കുന്നത്.
വിരാട് കോഹ്‌ലി, രോഹിത് ശര്‍മ, ജസ്പ്രീത് ബുംറ, ഹര്‍ദിക് പാണ്ഡ്യ എന്നിവരടക്കമുള്ള വമ്പന്‍ താരങ്ങള്‍ക്ക് പകരം ഐ.പി.എല്ലില്‍ തിളങ്ങിയ ഇന്ത്യയുടെ അടുത്ത തലമുറയിലെ സൂപ്പര്‍ താരങ്ങളെയാണ് ഇന്ത്യ ഹരാരെയിലേക്കയക്കുന്നത്.
ഇതില്‍ റിയാന്‍ പരാഗിന്റെ ഇന്ത്യന്‍ ജേഴ്സിയിലുള്ള അരങ്ങേറ്റത്തിനാണ് ആരാധകര്‍ കാത്തിരിക്കുന്നത്. ഏഷ്യന്‍ ഗെയിംസിലടക്കം നിരവധി തവണ അര്‍ഹിച്ച ഇന്ത്യന്‍ ക്യാപ് താരത്തിന് ലഭിക്കാതെ പോയിരുന്നു. സയ്യിദ് മുഷ്താഖ് അലി ട്രോഫിയടക്കമുള്ള ആഭ്യന്തര ടൂര്‍ണമെന്റുകളില്‍ തിളങ്ങിയിട്ടും താരത്തെ അപെക്സ് ബോര്‍ഡ് കണ്ടതായി നടിച്ചിരുന്നില്ല.
കൊല്‍ക്കത്ത നൈറ്റ് റൈഡേഴ്‌സിനെ കിരീടത്തിലേക്ക് നയിക്കുന്നതില്‍ പ്രധാന പങ്ക് വഹിച്ച ഹര്‍ഷിത് റാണ ടീമിന്റെ ഭാഗമാകുമെന്ന് പ്രതീക്ഷിച്ചിരുന്നെങ്കിലും അപെക്സ് ബോല്‍ഡ് താരത്തിന് അവസരം നല്‍കിയില്ല.
രാജസ്ഥാന്‍ റോയല്‍സില്‍ നിന്നുള്ള നിരവധി താരങ്ങള്‍ സ്‌ക്വാഡിന്റെ ഭാഗമാണ്. സ്‌ക്വാഡിലെ രണ്ട് വിക്കറ്റ് കീപ്പര്‍മാരും പിങ്ക് ആര്‍മിയില്‍ നിന്നുള്ളവരാണ്. ക്യാപ്റ്റന്‍ സഞ്ജു സാംസണ്‍, ധ്രുവ് ജുറെല്‍ എന്നിവരാണ് ടീമിലെ വിക്കറ്റ് കീപ്പര്‍മാര്‍.
ഇവര്‍ക്ക് പുറമെ യശസ്വി ജെയ്‌സ്വാള്‍, റിയാന്‍ പരാഗ്, ആവേശ് ഖാന്‍ എന്നിവരും സ്‌ക്വാഡിന്റെ ഭാഗമാണ്.
