ടോസ് നേടിയതിന് ഡാന്‍സ് കളിക്കുന്ന കോഹ്‌ലി; കിട്ടിയ പണി തിരിച്ച് കൊടുത്ത അംപയറിന്റെ തഗ് ലൈഫ്; വൈറലായി ഇന്ത്യ-ന്യൂസിലാന്റ് ട്രോളുകള്‍
സ്പോര്‍ട്സ് ഡെസ്‌ക്
Friday, 3rd December 2021, 7:09 pm
ഇന്ത്യ-ന്യൂസിലാന്റ് ഒന്നാം ടെസ്റ്റിന് പിന്നാലെ സോഷ്യല്‍ മീഡിയയില്‍ ട്രോളുകളുടെയും മീമുകളുടെയും പൊടിപൂരമായിരുന്നു. കോഹ്‌ലി പ്ലെയിംഗ് ഇലവനില്‍ ഇല്ലാത്തത് മുതല്‍ കളിക്കളത്തിലെ സംഭവങ്ങളും ട്രോളുകളായി സോഷ്യല്‍ മീഡിയയില്‍ വന്നിരുന്നു.
എന്നാല്‍ ഏറ്റവുമധികം പൊങ്കാല നേരിടേണ്ടി വന്നത് കളി നിയന്ത്രിച്ച അംപയര്‍മാര്‍ക്കായിരുന്നു. തെറ്റായ തീരുമാനങ്ങള്‍ കൊണ്ട് കളിക്കാരെ ഔട്ട് വിളിച്ചത് മുതല്‍ അംപയര്‍മാര്‍ എയറിലായിരുന്നു.
തെറ്റായ അംപയറിംഗിന്റെ പേരില്‍ ന്യൂസിലാന്റ് താരമായ വില്‍ യംഗ് ഔട്ടായതോടെയായിരുന്നു അംപയര്‍മാരുടെ ശനിദശ ആരംഭിച്ചത്. ഒന്നിനു പിന്നാലെ ഒന്നായി ട്വിറ്ററില്‍ ട്രോളുകള്‍ നിറയുകയായിരുന്നു.
