ഐ.സി.സി വനിതാ ടി-20 ലോകകപ്പില്‍ കഴിഞ്ഞ ദിവസം നടന്ന മത്സരത്തില്‍ ഇന്ത്യ ഇംഗ്ലണ്ടിനോട് പരാജയപ്പെട്ടിരുന്നു. 11 റണ്‍സിനായിരുന്നു ഇന്ത്യയുടെ തോല്‍വി.
ടോസ് നേടിയ ഇന്ത്യന്‍ ക്യാപ്റ്റന്‍ ഇംഗ്ലണ്ടിനെ ബാറ്റിങ്ങിനയക്കുകയായിരുന്നു. മികച്ച തുടക്കമായിരുന്നില്ല ഇംഗ്ലണ്ടിന് ലഭിച്ചത്. സ്‌കോര്‍ ബോര്‍ഡില്‍ ഒറ്റ റണ്‍സ് മാത്രം കൂട്ടിച്ചേര്‍ക്കുന്നതിനിടെ ആദ്യ വിക്കറ്റ് നഷ്ടമായ ഇംഗ്ലണ്ടിന് പത്ത് റണ്‍സ് ആയപ്പോഴേക്കും രണ്ടാം വിക്കറ്റും നഷ്ടമായി.
ഒടുവില്‍ നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ ഇംഗ്ലണ്ട് 151 റണ്‍സ് നേടി. ഇംഗ്ലണ്ടിന്റെ എണ്ണം പറഞ്ഞ അഞ്ച് വിക്കറ്റുകള്‍ പിഴുതെടുത്ത രേണുക സിങ്ങാണ് ഇന്ത്യന്‍ നിരയില്‍ തിളങ്ങിയത്.
മറുപടി ബാറ്റിങ്ങിനിറങ്ങിയ ഇന്ത്യക്ക് നാലാം ഓവറില്‍ ഷെഫാലി വര്‍മയെ നഷ്ടമായിരുന്നു. 11 പന്തില്‍ നിന്നും എട്ട് റണ്‍സ് നേടിയാണ് താരം പുറത്തായത്. പിന്നാലെ ജെമീമ റോഡ്രിഗസ് 12ഉം ക്യാപ്റ്റന്‍ ഹര്‍മന്‍പ്രീത് കൗര്‍ നാല് റണ്‍സിനും പുറത്തായി.
എന്നാല്‍ ഓപ്പണര്‍ സ്മൃതി മന്ദാന ഒരു വശത്ത് പാറപോലെ ഉറച്ചുനിന്നു. 41 പന്തില്‍ നിന്നും ഏഴ് ബൗണ്ടറിയും ഒരു സിക്‌സറുമുള്‍പ്പെടെ 52 റണ്‍സാണ് താരം സ്വന്തമാക്കിയത്.
.@mandhana_smriti departs but not before she scored a fine half-century! #TeamIndia 105/4 after 16 overs in the chase.
എന്നാല്‍ ഈ പ്രകടനമൊന്നും ഇന്ത്യയെ തോല്‍വിയില്‍ നിന്നും രക്ഷിക്കാന്‍ പോന്നതായിരുന്നില്ല. നിശ്ചിത ഓവറില്‍ ഇന്ത്യ അഞ്ച് വിക്കറ്റ് നഷ്ടത്തില്‍ 140 റണ്‍സ് നേടി ഇന്നിങ്‌സ് അവസാനിപ്പിച്ചു.
ഇതോടെ ഒരു മോശം റെക്കോഡും ഇന്ത്യയെ തേടിയെത്തി. ടി-20 ലേകകപ്പിന്റെ ചരിത്രത്തില്‍ ഒരു ടീമിനോട് ഏറ്റവുമധികം തവണ തോല്‍ക്കേണ്ടി വന്നതിന്റെ മോശം റെക്കോഡാണ് ഇന്ത്യയുടെ പേരില്‍ കുറിക്കപ്പെട്ടത്.
ടി-20 ലോകകപ്പില്‍ ഇംഗ്ലണ്ടിനോട് ഇന്ത്യ ഇത് ആറാം തവണയാണ് തോല്‍ക്കുന്നത്. ഓസ്‌ട്രേലിയക്കെതിരെ സൗത്ത് ആഫ്രിക്കയുടെ അഞ്ച് തോല്‍വിയുടെ റെക്കോഡാണ് ഇന്ത്യ മറികടന്നത്.
A solid fight from #TeamIndia but it was England who won the match! #ENGvIND
India will look to bounce back in their next #T20WorldCup game against Ireland. 👍 👍
ഇന്ത്യക്കെതിരായ വിജയത്തിന് പിന്നാലെ ഗ്രൂപ്പ് സ്റ്റാന്‍ഡിങ്‌സില്‍ ഒന്നാമതെത്താനും ഇംഗ്ലണ്ടിനായി. കളിച്ച മൂന്ന് കളിയില്‍ മൂന്നിലും ജയിച്ച് ആറ് പോയിന്റോടെയാണ് ഇംഗ്ലണ്ട് ഒന്നാമതെത്തി നില്‍ക്കുന്നത്.
മൂന്ന് മത്സരത്തില്‍ നിന്നും രണ്ട് ജയവുമായി ഇന്ത്യ രണ്ടാം സ്ഥാനത്തും രണ്ട് മത്സരത്തില്‍ നിന്നും ഒരു ജയവും ഒരു തോല്‍വിയുമായി പാകിസ്ഥാന്‍ മൂന്നാം സ്ഥാനത്തുമാണ്.
ഫെബ്രുവരി 20നാണ് ഗ്രൂപ്പ് ഘട്ടത്തിലെ ഇന്ത്യയുടെ അവസാന മത്സരം. അയര്‍ലന്‍ഡാണ് എതിരാളികള്‍.
Content Highlight: India holds a worst record in ICC Women’s T20 World Cup
