വിദ്വേഷ പ്രചരണം; 14 ന്യൂസ് അവതാരകരെ ബഹിഷ്‌കരിച്ച് ഇന്ത്യ മുന്നണി
ഡൂള്‍ന്യൂസ് ഡെസ്‌ക്
Thursday, 14th September 2023, 4:54 pm
ന്യൂദല്‍ഹി: വിദ്വേഷ പ്രചരണത്തിന് ഇടം നല്‍കുന്നതും പ്രതിപക്ഷ ബഹുമാനമില്ലാത്തതുമായ ദേശീയ ന്യൂസ് ചാനലിലെ അവതാരകരെ ബഹിഷ്‌ക്കരിക്കാന്‍ ഇന്ത്യാ മുന്നണി. ഇതുമായി ബന്ധപ്പെട്ട 14 അവതാരകയുടെ ലിസ്റ്റ് ഇന്ത്യാ മുന്നണി പുറത്തുവിട്ടു.
ഇന്ത്യാ മുന്നണിയില്‍ ഉള്‍പ്പെട്ട 28 പ്രതിപക്ഷ പാര്‍ട്ടികളും ലിസ്റ്റില്‍ ഉള്‍പ്പെട്ട അവതാരകരുടെ പരിപാടികളില്‍ തങ്ങളുടെ പ്രതിനിധികളെ അയക്കില്ല. കഴിഞ്ഞ ദിവസം നടന്ന യോഗത്തില്‍ ഇന്ത്യാ കോര്‍ഡിനേഷന്‍ കമ്മിറ്റി എടുത്ത തീരുമാനത്തിന്റെ ഭാഗമായിട്ടാണ് നടപടി.
റിപ്പബ്ലിക് ടി.വിയിലെ അര്‍ണബ് രഞ്ജന്‍ ഗോസ്വാമി, ന്യൂസ് 18 ചാനലിലെ അമന്‍ ചോപ്ര, ആജ് തകിലെ ചിത്ര ത്രിപാഠി എന്നിവരും ലിസ്റ്റില്‍ ഉള്‍പ്പെട്ടിട്ടുണ്ട്.
