രാജ്യത്തെ ആദ്യ ട്രാന്‍സ്‌ജെന്‍ഡര്‍ കലോത്സവം 'വര്‍ണ്ണപ്പകിട്ട്' നാളെ മുതല്‍ തിരുവനന്തപുരത്ത്
ഡൂള്‍ന്യൂസ് ഡെസ്‌ക്
Thursday, 7th November 2019, 10:39 pm
തിരുവന്തപുരം: ട്രാന്‍സ് ജെന്‍ഡര്‍ വ്യക്തികളുടെ കലാഭിരുചി പരിപോഷിപ്പിക്കുന്നതിനും ട്രാന്‍സ് വിഭാഗത്തിന് സമൂഹികത്തിന്റെ അംഗീകാരം നേടിയെടുക്കുന്നതിനും വേണ്ടി ട്രാന്‍സ്‌ജെന്‍ഡര്‍ കാലോത്സവം സംഘടിപ്പിക്കുന്നു.
രാജ്യത്തു തന്നെ ആദ്യമായിട്ടാണ് ട്രാന്‍സ്‌ജെന്‍ഡര്‍ കലോത്സവം നടത്തുന്നത്.
‘വര്‍ണ്ണപ്പകിട്ട് 2019’ എന്ന പേരില്‍ സംഘടിപ്പിക്കുന്ന കലോത്സവം ആരോഗ്യ- സാമൂഹ്യനീതി- വനിത -ശിശുവികസന വകുപ്പ് മന്ത്രി കെ.കെ. ശൈലജ ഉദ്ഘാടനം ചെയ്യും.
നവംബര്‍ 8, 9 തിയതികളിലായി ചാല ഗവ. മോഡല്‍ ബോയ്‌സ് ഹയര്‍സെക്കന്ററി സ്‌കൂളില്‍ വെച്ചാണ് ‘വര്‍ണ്ണപ്പകിട്ട്’ സംഘടിപ്പിക്കുന്നത്. പരിപാടിയില്‍ വിവിധ മേഖലകളില്‍ പ്രാഗത്ഭ്യം തെളിയിച്ച ട്രന്‍സ്‌ജെന്‍ഡര്‍ വ്യക്തികളെ ആദരിക്കും. വിവിധ ജില്ലകളില്‍ നിന്നുമായി 190 ഓളം പേര്‍ കലോത്സവത്തില്‍ പങ്കെടുക്കും.
