'പെട്രോള്‍-ഡീസല്‍ കാറുകള്‍ ഓര്‍മ്മയാകും'; 2030-ഓടെ വൈദ്യുത കാറുകള്‍ മാത്രമുള്ള നിരത്തുകള്‍ എന്ന ലക്ഷ്യവുമായി ഇന്ത്യ
ഡൂള്‍ന്യൂസ് ഡെസ്‌ക്
Sunday, 30th April 2017, 7:01 pm
ന്യൂദല്‍ഹി: 2030-ഓടെ നിരത്തുകളില്‍ വൈദ്യുത കാറുകള്‍ മാത്രം എന്ന ലക്ഷ്യവുമായി ഇന്ത്യ. ഇന്ധന ഇറക്കുമതി കുറയ്ക്കുക വാഹനമോടിക്കാനുള്ള ചെലവ് കുറയ്ക്കുക എന്നീ ലക്ഷ്യങ്ങളോടെയാണ് ഈ തീരുമാനം.
വൈദ്യുതിയില്‍ പ്രവര്‍ത്തിക്കുന്ന വാഹനങ്ങള്‍ പുറത്തിറക്കാന്‍ രാജ്യം തയ്യാറെടുക്കുകയാണെന്ന് കേന്ദ്ര ഊര്‍ജ്ജ മന്ത്രി പിയൂഷ് ഗോയല്‍ പറഞ്ഞു. 2030-ഓടെ പെട്രോളിലോ ഡീസലിലോ പ്രവര്‍ത്തിക്കുന്ന ഒറ്റ കാറിന്റെ വില്‍പ്പന പോലും ഉണ്ടാകാതിരിക്കുക എന്നതാണ് ലക്ഷ്യമെന്നും അദ്ദേഹം പറഞ്ഞു.
സി.ഐ.ഐ വാര്‍ഷിക സമ്മേളനത്തില്‍ പ്രസംഗിക്കുന്നതിനിടെയാണ് ഗോയല്‍ ഇക്കാര്യം പറഞ്ഞത്. രണ്ടോ മൂന്നോ വര്‍ഷത്തിനകം ഇലക്ട്രിക് വാഹനങ്ങളുടെ ഉല്‍പ്പാദന വ്യവസായം സര്‍ക്കാറിന്റെ കയ്യിലായിരിക്കുമെന്നും അദ്ദേഹം പറഞ്ഞു.