നടന്‍ വിജയിയെ വീണ്ടും ചോദ്യം ചെയ്യും; ആദായ നികുതി വകുപ്പ് നോട്ടീസയച്ചു
ഡൂള്‍ന്യൂസ് ഡെസ്‌ക്
Monday, 10th February 2020, 9:55 am
ചെന്നൈ: നടന്‍ വിജയിയെ വീണ്ടും ചോദ്യം ചെയ്യും. മൂന്ന് ദിവസത്തിനകം ഓഫീസില്‍ നേരിട്ട് ഹാജരാകണമെന്ന് ആവശ്യപ്പെട്ട് വിജയിക്ക് ആദായനികുതി വകുപ്പ് നോട്ടീസയച്ചു. സ്വത്ത് വിവരങ്ങള്‍ സുക്ഷ്മമായി പരിശോധിച്ചതിന് പിന്നാലെയാണ് നോട്ടീസ്.
ബുധനാഴ്ച്ച വൈകിട്ടായിരുന്നു വിജയിയെ ആദായ നികുതി വകുപ്പ് സംഘം ആദ്യം കസ്റ്റഡിയിലെടുത്തത്. ബിഗില്‍ സിനിമയുടെ നിര്‍മ്മാതാക്കളായ എ.ജി.എസ് ഗ്രൂപ്പിന്റെ ഓഫീസുകളില്‍ ആദായ നികുതി വകുപ്പ് റെയ്ഡ് നടത്തിയതിന് പിന്നാലെയായിരുന്നു നടപടി. എന്നാല്‍ വിജയിയുടെ പേരില്‍ അനധികൃതമായി ഒന്നു കണ്ടെത്താന്‍ കഴിഞ്ഞിരുന്നില്ല.
