ജി 20 നടക്കുമ്പോള്‍ പ്രതിപക്ഷത്തിന് ആയുധം നല്‍കുന്ന പ്രസ്താവനകള്‍ അരുത്; പാര്‍ട്ടി കേഡര്‍മാരോട് ബി.ജെ.പി
ഡൂള്‍ന്യൂസ് ഡെസ്‌ക്
Thursday, 7th September 2023, 8:47 am
ന്യൂദല്‍ഹി: ജി20 ഉച്ചകോടിയുടെ പശ്ചാത്തലത്തില്‍ രാജ്യത്തിന്റെ പേരുമാറ്റല്‍ അടക്കമുള്ള വിവാദങ്ങള്‍ ആളിക്കത്തിക്കേണ്ടെന്ന് ബി.ജെ.പി. കഴിഞ്ഞ ദിവസം പ്രധാനമന്ത്രി വിളിച്ചുചേര്‍ത്ത കേന്ദ്രമന്ത്രിമാരുടെ യോഗത്തില്‍ ഇക്കാര്യത്തില്‍ നിര്‍ദേശം നല്‍കിയിട്ടുണ്ടെന്ന് ദേശീയ മാധ്യമങ്ങള്‍ റിപ്പോര്‍ട്ടുചെയ്യുന്നു.
പ്രതിപക്ഷം ആയുധമാക്കുന്ന പരാമര്‍ശങ്ങള്‍ ഒഴിവാക്കണം. പാര്‍ട്ടി നേതാക്കള്‍ മാധ്യമങ്ങളോടടക്കം പ്രതികരിക്കുമ്പോള്‍ സൂക്ഷിക്കണം. രാജ്യത്തിന്റെ പേരുമാറ്റം അടക്കമുള്ള ചര്‍ച്ച പ്രത്യേക പാര്‍ലമെന്റ് സമ്മേളനം വരുമ്പോള്‍ ഉന്നയിച്ചാല്‍ മതിയെന്നുമാണ് ബി.ജെ.പി തീരുമാനം.
