സുപ്രീം കോടതി വിധിയില്‍ റിലയന്‍സിനെ വീഴ്ത്തി ആമസോണ്‍
ഡൂള്‍ന്യൂസ് ഡെസ്‌ക്
Friday, 6th August 2021, 3:19 pm
ന്യൂദല്‍ഹി: ഫ്യൂച്ചര്‍ ഗ്രൂപ്പിന്റെ ആസ്തിയുമായി ബന്ധപ്പെട്ട കേസില്‍ റിലയന്‍സിനുമേല്‍ ഇ-കൊമേഴ്സ് വമ്പന്മാരായ ആമസോണിന് ജയം.
ഫ്യൂച്ചര്‍ ഗ്രൂപ്പിന്റെ 3.4 ബില്യണ്‍ ആസ്തി വാങ്ങുന്നതില്‍ നിന്നും റിലയന്‍സിനെ വിലക്കിക്കൊണ്ടാണ് സുപ്രീം കോടതി വിധി പ്രസ്താവിച്ചിരിക്കുന്നത്. ഏറെക്കാലമായി നിലനിന്നിരുന്ന ജെഫ് ബെസോസ്-മുകേഷ് അംബാനി നിയമ പോരാട്ടത്തിനാണ് ഇതോടെ അവസാനമായിരിക്കുന്നത്.
ജസ്റ്റിസ് നരിമാന്‍, ജസ്റ്റിസ് ബി.ആര്‍. ഗവായ് എന്നിവരടങ്ങിയ ബെഞ്ചാണ് വിധി പ്രസ്താവിച്ചത്. പ്രസ്തുത കേസില്‍ സിംഗപ്പൂര്‍ തര്‍ക്കപരിഹാര കോടതി ഏര്‍പ്പെടുത്തിയ സ്റ്റേ നിലനില്‍ക്കുമെന്നും സുപ്രീം കോടതി ചൂണ്ടിക്കാട്ടി.
