4000 രൂപ നല്‍കിയില്ല രോഗിയെ ആശുപത്രി ജീവനക്കാരന്‍ അടിച്ചുകൊന്നതായി പരാതി
ഡൂള്‍ന്യൂസ് ഡെസ്‌ക്
Friday, 3rd July 2020, 9:31 am
അലിഗഢ്: 4000 രൂപ ബില്ലായട്ക്കാത്തതിന് സ്വകാര്യ ആശുപത്രിയിലെ ജീവനക്കാരന്‍ രോഗിയെ അടിച്ചുകൊന്നതായി പരാതി. സുല്‍ത്താന്‍ ഖാന്‍(44) എന്ന ആളാണ് മരിച്ചത്.
സുല്‍ത്താന്‍ ഖാനെ ആശുപത്രി ജീവനക്കാരന്‍ അടിച്ചുകൊന്നതാണെന്ന് ഖാന്റെ ബന്ധുക്കള്‍ പൊലീസിനോട് പറഞ്ഞു.
ആശുപത്രിയില്‍ ചികിത്സക്കെത്തിയ ഖാനും കുടുംബവും ചികിത്സക്ക് ആവശ്യപ്പെട്ട തുക ഇല്ലാത്തതിനെ തുടര്‍ന്ന് മടങ്ങിപ്പോകുംവഴി ആശുപത്രിയിലെ ചില ജീവനക്കാരെത്തി ആക്രമിക്കുകയായിരുന്നു. സംഭവത്തിന്റെ സി.സി.ടി.വി ഫൂട്ടേജ് പൊലീസ് പരിശോധിക്കുന്നുണ്ട്.
ചികിത്സ നല്‍കാതെ തന്നെ ഖാനില്‍ നിന്നും ആശുപത്രി അധികൃതര്‍ അമിത പണം ഈടാക്കിയതായി ബന്ധുക്കള്‍ ആരോപിക്കുന്നു.
