യു.എസിന് പാകിസ്ഥാനില്‍ മിലിറ്ററി ബേസുകള്‍ സ്ഥാപിക്കണമായിരുന്നു; ഞാന്‍ അതിന് സമ്മതിക്കുമായിരുന്നില്ല: ഇമ്രാന്‍ ഖാന്
ഡൂള്‍ന്യൂസ് ഡെസ്‌ക്
Sunday, 8th May 2022, 11:52 pm
ഇസ്‌ലാമാബാദ്: പാകിസ്ഥാനില്‍ മിലിറ്ററി ബേസുകള്‍ സ്ഥാപിക്കാന്‍ യു.എസ് പദ്ധതിയിട്ടിരുന്നതായി പാകിസ്ഥാന്റെ മുന്‍ പ്രധാനമന്ത്രി ഇമ്രാന്‍ ഖാന്.
അഫ്ഗാനില്‍ നിന്നും യു.എസ് തങ്ങളുടെ സൈന്യത്തെ പിന്‍വലിച്ചതിന് പിന്നാലെ ഉയര്‍ന്ന യു.എസിന്റെ ആവശ്യം പാകിസ്ഥാന്‍ തന്റെ ഭരണകാലത്ത് അംഗീകരിച്ച് കൊടുക്കില്ലായിരുന്നെന്നും ഇമ്രാന്‍ ഖാന് പ്രസ്താവനയില്‍ പറഞ്ഞു.
”അഫ്ഗാനിസ്ഥാനില്‍ എന്തെങ്കിലും ഭീകരവാദ പ്രവര്‍ത്തനങ്ങള്‍ ഉണ്ടാകുകയാണെങ്കില്‍ തിരിച്ചടിക്കുന്നതിന് വേണ്ടിയായിരുന്നു പാകിസ്ഥാനില്‍ മിലിറ്റി ബേസുകള്‍ സ്ഥാപിക്കാന്‍ യു.എസ് പദ്ധതിയിട്ടത്,” ഇമ്രാന്‍ ഖാന് പറഞ്ഞു.
എന്നാല്‍ യു.എസിന്റെ ആവശ്യം ഒട്ടും സ്വീകാര്യമല്ലെന്നായിരുന്നു ഖാന് അന്ന് പ്രതികരിച്ചതെന്നും പാകിസ്ഥാന്‍ മാധ്യമമായ ദ ഡോണ്‍ റിപ്പോര്‍ട്ട് ചെയ്തു.
