ഫോര്‍ച്യൂണിന് പുറമെ 2.2 ഓവറില്‍ 21 റണ്‍സ് വഴങ്ങി ഇവാന്‍ ജോണ്‍സും മൂന്ന് വിക്കറ്റ് വീഴ്ത്തിയിരുന്നു. ഫെറിസ്‌കോ ആഡംസ് രണ്ട് വിക്കറ്റും ലുന്‍ഗി എന്‍ഗിഡി, തബ്രിയാസ് ഷംസി എന്നിവര്‍ ഓരോ വിക്കറ്റ് വീതം വീഴ്ത്തിയപ്പോള്‍ സൂപ്പര്‍ കിങ്‌സിന്റെ പതനം പൂര്‍ത്തിയായി.
മറുപടി ബാറ്റിങ്ങിനിറങ്ങിയ റോയല്‍സ് അനായാസം വിജയം സ്വന്തമാക്കുകയായിരുന്നു. 21 പന്തില്‍ നിന്നും പുറത്താവാതെ 29 റണ്‍സ് നേടിയ ജോസ് ബട്‌ലറന്റെയും 19 റണ്‍സ് നേടിയ വിഹാന്‍ ലുബെയുടെയും ഇന്നിങ്‌സാണ് റോയല്‍സിന് വിജയം സമ്മാനിച്ചത്. ടൂര്‍ണമെന്റില്‍ പാള്‍ റോയല്‍സിന്റെ ആദ്യ വിജയമാണിത്.
