[] പൂക്കോട്: ആദിവാസികള്‍ക്ക് നല്‍കാന്‍ വനംവകുപ്പ് അനുവദിച്ച ഭൂമിയില്‍ അനധകൃതമായി കെട്ടിട നിര്‍മ്മാണ പ്രവര്‍ത്തനം നടക്കുന്നു. വയനാട് പൂക്കോട് വെറ്റിനറി കോളേജ് നിര്‍മ്മാണത്തിനാണ് ഈ ഭൂമി ഉപയോഗിക്കുന്നത്.
കേന്ദ്ര വനംപരിസ്ഥിതി മന്ത്രാലയത്തിന്റെ അനുമതി ഇല്ലാതെയാണ് ഈ ഭൂമിയില്‍ നിര്‍മ്മാണപ്രവര്‍ത്തനങ്ങള്‍ നടക്കുന്നത്. ആദിവാസ ക്ഷേമത്തിന് വനംവകുപ്പ് റെവന്യു വകുപ്പിന് കൈമാറിയ ഭൂമിയാണിതെന്ന് നിയമസഭ രേഖകളില്‍ വ്യക്തമാക്കുന്നുണ്ട്.
എന്നാല്‍ എല്ലാ നിയമവശങ്ങളും പരിശോധിച്ചാണ് നിര്‍മ്മാണപ്രവര്‍ത്തനം നടത്തുന്നതെന്ന് കോളേജ് പ്രിന്‍സിപ്പാള്‍ പ്രതികരിച്ചു.