ഞാന്‍ പറയാത്ത കാര്യം വെറുതെ പറഞ്ഞുണ്ടാക്കരുത്, വ്യാജപ്രചരണങ്ങള്‍ അവസാനിപ്പിക്കണം: ഇളയരാജ
എന്റര്‍ടെയിന്‍മെന്റ് ഡെസ്‌ക്
Tuesday, 19th January 2021, 11:21 am
ചെന്നൈ: പ്രസാദ് സ്റ്റുഡിയോയുമായുള്ള പ്രശ്‌നത്തിന്റെ പേരില്‍ ദേശീയ, സംസ്ഥാന പുരസ്‌കാരങ്ങള്‍ തിരിച്ചു നല്‍കുമെന്ന വാര്‍ത്തയ്‌ക്കെതിരെ സംഗീത സംവിധായകന്‍ ഇളയരാജ. താന്‍ പുരസ്‌കാരങ്ങള്‍ തിരിച്ചു നല്‍കുമെന്ന് പ്രചരിക്കുന്നത് വ്യാജമാണെന്നും കേന്ദ്ര സര്‍ക്കാരും സംസ്ഥാന സര്‍ക്കാരും വിഷയത്തില്‍ ഇടപെട്ടിട്ടില്ലെന്നും ഇളയരാജ പറഞ്ഞു.
താന്‍ പറയാത്ത കാര്യങ്ങളാണ് ഇപ്പോള്‍ ചര്‍ച്ചയായിരിക്കുന്നതെന്നും ആവശ്യമില്ലാത്ത കാര്യങ്ങള്‍ പ്രചരിപ്പിക്കരുതെന്നും ഇളയരാജ പറഞ്ഞു.
ഡിസംബറില്‍ പ്രസാദ് സ്റ്റുഡിയോയിലെ തന്റെ മുറി ഇളയരാജ ഒഴിഞ്ഞു കൊടുത്തിരുന്നു. അവിടെ സൂക്ഷിച്ചിരുന്ന സംഗീതോപകരണങ്ങളും മറ്റ് വസ്തുക്കളും അദ്ദേഹം വീട്ടിലേക്ക് കൊണ്ടുപോവുകയും ചെയ്തിരുന്നു. 30 വര്‍ഷത്തോളമായി സ്റ്റുഡിയോയിലെ മുറിയിലാണ് ഇളയരാജ റെക്കോര്‍ഡിങ്ങ് നടത്തിയിരുന്നത്.
