ഇന്റര്‍കോണ്ടിനെന്റല്‍ കപ്പിലെ പ്രകടനം ഭാവി ടീം രൂപപ്പെടുത്തുന്നതില്‍ സഹായിച്ചതായി ഇഗോര്‍ സ്റ്റിമാച്ച്
സ്പോര്‍ട്സ് ഡെസ്‌ക്
Monday, 15th July 2019, 7:17 pm
ഇന്റര്‍കോണ്ടിനെന്റല്‍ കപ്പിലെ ആദ്യ രണ്ട് മത്സരങ്ങളിലൂടെ ഭാവി ദേശീയ ടീമിനെ രൂപപ്പെടുത്തുന്നതില്‍ ധാരണ ലഭിച്ചതായി ഇന്ത്യന്‍ കോച്ച് ഇഗോര്‍ സ്റ്റിമാച്ച്.
‘ആരെ ആശ്രയിക്കണം ആരെയൊക്കെ ആശ്രയിക്കരുത് എന്നത് സംബന്ധിച്ച് എനിക്ക് കൃത്യമായി. എല്ലാവര്‍ക്കും കളിയ്ക്കാന്‍ അവസരം കിട്ടിയിട്ടുണ്ട്. ഒരാള്‍ക്ക് പോലും തഴഞ്ഞെന്ന് പരാതി പറയാന്‍ സാധിച്ചിട്ടില്ല.’ സ്റ്റിമാച്ച് പറഞ്ഞു.
കിങ്‌സ് കപ്പ്, ഇന്റര്‍കോണ്ടിനെന്റല്‍ കപ്പ് മത്സരങ്ങള്‍ക്കായി 27 താരങ്ങളെയാണ് സ്റ്റിമാച്ച് എടുത്തത്. ഇതില്‍ ഒമ്പത് താരങ്ങളും തങ്ങളുടെ കന്നി മത്സരത്തിന് ഇറങ്ങിയിരുന്നു.
