ന്യൂദല്‍ഹി: പ്രധാനമന്ത്രി നരേന്ദ്ര മോദിക്ക് അന്താരാഷ്ട്രതലത്തില്‍ ഹിന്ദി സംസാരിക്കാമെങ്കില്‍ ബാക്കിയുള്ളവര്‍ എന്തിനാണ് ഹിന്ദി സംസാരിക്കാന്‍ മടിക്കുന്നതെന്ന് കേന്ദ്ര ആഭ്യന്തരമന്ത്രി അമിത് ഷാ. ഹിന്ദി ദിനത്തിലായിരുന്നു അമിത് ഷായുടെ പരാമര്‍ശം.
‘ഹിന്ദി ദിനത്തില്‍, എല്ലാ പൗരന്മാരോടും ഔദ്യോഗിക ഭാഷകളിലൊന്നായ ഹിന്ദി, അവരുടെ മാതൃഭാഷയോടൊപ്പം, അടിസ്ഥാനപരമായ പ്രവര്‍ത്തനങ്ങളില്‍ ഉപയോഗിക്കാന്‍ പ്രതിജ്ഞയെടുക്കണമെന്ന് ഞാന്‍ അഭ്യര്‍ത്ഥിക്കുന്നു. ഇന്ത്യയുടെ പുരോഗതി മാതൃഭാഷയുടേയും ഔദ്യോഗിക ഭാഷയുടെയും ഏകോപനത്തിലാണ്,” അമിത് ഷാ പറഞ്ഞു.
കേന്ദ്രസര്‍ക്കാര്‍ സംസ്ഥാനങ്ങള്‍ക്ക് മേല്‍ ഹിന്ദി അടിച്ചേല്‍പ്പിക്കുകയാണെന്ന ആരോപണം ഉയരുന്നതിനിടെയാണ് അമിത് ഷാ ഹിന്ദിയെ പ്രശംസിച്ച് രംഗത്തെത്തിയത്.
‘ലോകവ്യാപകമായി ഇന്ത്യയുടെ സ്വത്വത്തിന്റെ അടയാളമായി മാറാന്‍’ ഹിന്ദി ഒരു അനിവാര്യമായ പൊതു ഭാഷയാണെന്ന് അമിത് ഷാ 2019ല്‍ ട്വീറ്റ് ചെയ്യുകയും ഡി.എം.കെ അധ്യക്ഷന്‍ എം.കെ. സ്റ്റാലിന്‍ ‘ഇത് ഇന്ത്യയാണ്, ഹിന്ദ്യ അല്ലെന്ന് പ്രതികരിച്ച് രംഗത്തെത്തുകയും ചെയ്തിരുന്നു.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlights: “If PM Can Speak Hindi Internationally…”: Amit Shah’s Hindi Diwas Pitch