ചെന്നൈ: ബി.ജെ.പി അപകടകരമാണെന്ന് മറ്റു പാര്‍ട്ടികള്‍ കരുതുന്നുണ്ടെങ്കില്‍ അത് ശരിയായിരിക്കാമെന്ന് രജനീകാന്ത്. ചെന്നൈയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ബി.ജെ.പിക്കെതിരെ എല്ലാ പാര്‍ട്ടികളും ഒരുമിച്ചു നില്‍ക്കുന്നു, ആ അളവില്‍ അപകടം പിടിച്ച ഒന്നാണോ ബി.ജെ.പി എന്ന മാധ്യമപ്രവര്‍ത്തകയുടെ ചോദ്യത്തിന് “അവര്‍ എല്ലാവരും അങ്ങനെ കരുതുന്നെങ്കില്‍ അത് ശരിയായിരിക്കാം” എന്നായിരുന്നു രജനീകാന്തിന്റെ മറുപടി.
Also Read വിവാദ ആള്‍ദൈവം ഗുര്‍മീതിനെ താന്‍ കണ്ടിട്ടില്ല, വ്യാജ വാര്‍ത്തകള്‍ തിരിച്ചറിയണം: അക്ഷയ് കുമാര്‍
ബി.ജെ.പിയുമായി അടുത്ത ബന്ധമുണ്ടെന്ന് കരുതിയിരുന്ന രജനീകാന്ത് നോട്ടുനിരോധനത്തെക്കുറിച്ചുള്ള തന്റെ അഭിപ്രായവും മാറ്റി. കൃത്യമായ പഠനങ്ങള്‍ക്ക് ശേഷമേ നോട്ടുനിരോധനം പോലൊന്ന് നടത്താന്‍ പാടുണ്ടായിരുന്നുള്ളു എന്നും അദ്ദേഹം പറഞ്ഞു.
“നോട്ടുനിരോധനം നടത്തിയ രീതി തെറ്റായിരുന്നു. വിശദമായ പഠനങ്ങള്‍ അതിന് മുന്നോടിയായി നടത്തേണ്ടിയിരുന്നു”- അദ്ദേഹം പറഞ്ഞു. 2016, നവംബര്‍ 8 നോട്ടുനിരോധനം നടപ്പിലാക്കിയപ്പോള്‍ നരേന്ദ്ര മോദിയെ അഭിനന്ദിച്ച് രജനീകാന്ത് ട്വീറ്റ് ചെയ്തിരുന്നു. നോട്ടു നിരോധനം നടപ്പിലാക്കി നിമിഷങ്ങള്‍ക്കുള്ളില്‍ “Hats off @narendramodi ji. New india is born #JaiHind.” എന്ന് രജനീകാന്ത് ട്വീറ്റ് ചെയ്തതായി ഇന്ത്യന്‍
എക്സ്പ്രസ് റിപ്പോര്‍ട്ട് ചെയ്തു.
പ്രായപൂര്‍ത്തിയാകത്ത പെണ്‍കുട്ടകള്‍ക്കു നേരെയുള്ള ലൈംഗികാതിക്രമങ്ങള്‍ക്കെതിരെ സര്‍ക്കാര്‍ ശക്തമായ നിയനിര്‍മ്മാണം നടപ്പില്‍ വരുത്തണമെന്നും അദ്ദേഹം പറഞ്ഞു. തമിഴ്‌നാട്ടിലെ ധര്‍മ്മപുരിയില്‍ ലൈംഗികപീഢനത്തിനൊടുവില്‍ കൊല്ലപ്പെട്ട പെണ്‍കുട്ടിയുടെ പരാമര്‍ശിച്ചായിരുന്നു രജനീകാന്തിന്റെ ആവശ്യം.