ന്യൂദല്‍ഹി: പൗരത്വ ഭേദഗതി നിയമത്തില്‍ കേന്ദ്രത്തിനെതിരെ വിമര്‍ശനവുമായി കോണ്‍ഗ്രസ് നേതാവ് പി. ചിദംബരം. പൗരത്വ ഭേദഗതി നിയമം ആരെയും ബാധിക്കില്ലെങ്കില്‍ പിന്നെ എന്തിനാണ് കേന്ദ്രസര്‍ക്കാര്‍ അത്തരമൊരു നിയമം പാസാക്കിയതെന്നും ന്യൂനപക്ഷങ്ങളെ സി.എ.എ ബാധിക്കില്ലെന്നു പറയുന്ന സര്‍ക്കാര്‍ പിന്നെ ആരെയാണത് ബാധിക്കുക എന്നതുകൂടി പറയണമെന്നും ചിദംബരം ആവശ്യപ്പെട്ടു.
” ആഭ്യന്തര മന്ത്രി പറയുന്നു ന്യൂനപക്ഷ മതത്തില്‍ പെട്ട ആരെയും സി.എ.എ ബാധിക്കില്ലെന്ന്. അത് ശരിയാണെങ്കില്‍ അദ്ദേഹം രാജ്യത്തോട് പറയണം ആരെയാണ് സി.എ.എ ബാധിക്കുകയെന്ന്. ആരെയും ബാധിക്കുന്നില്ലെങ്കില്‍ പിന്നെ എന്തിനാണ് ഇപ്പോള്‍ അങ്ങനൊരു നിയമം പാസാക്കിയത്?,” ചിദംബരം ചോദിച്ചു.
എന്തുകൊണ്ടാണ് സി.എ.എ യില്‍ പ്രതിപാദിച്ചിരിക്കുന്ന ന്യൂനപക്ഷക്കാരുടെ പട്ടികയില്‍ നിന്ന് മുസ് ലിങ്ങളെ ഒഴിവാക്കിയതെന്നും അദ്ദേഹം ചോദിച്ചു.
