മെസി പോയാൽ റൊണാൾഡോയുടെ സഹ താരത്തെ പകരം ടീമിലെത്തിക്കാൻ പി.എസ്.ജി; റിപ്പോർട്ട്
സ്പോര്‍ട്സ് ഡെസ്‌ക്
Monday, 3rd April 2023, 9:49 pm
ലയണൽ മെസി പി.എസ്.ജിയിൽ തുടരുമോ ക്ലബ്ബ് വിടുമോ? എന്ന ചോദ്യമാണ് ഫുട്ബോൾ ലോകത്തിപ്പോൾ ഉയർന്ന് കേൾക്കുന്നത്.
വരുന്ന ജൂണിലാണ് താരത്തിന്റെ പി.എസ്.ജിയിലെ കരാർ അവസാനിക്കുന്നത്. ശേഷം കരാർ പുതുക്കിയില്ലെങ്കിൽ ഫ്രീ ഏജന്റായി മാറുന്ന മെസിയെ നോട്ടമിട്ട് ബാഴ്സലോണ, ഇന്റർ മിയാമി, ഇന്റർ മിലാൻ, അൽ ഹിലാൽ എന്നീ ക്ലബ്ബുകൾ രംഗത്തുണ്ട് എന്നാണ് പുറത്ത് വരുന്ന റിപ്പോർട്ടുകൾ.
എന്നാൽ മെസി പി.എസ്.ജി വിട്ട് ബാഴ്സലോണയിലേക്ക് എത്താനാണ് സാധ്യത കൂടുതലെന്നാണ് ഫുട്ബോൾ വിദഗ്ധരടക്കം വിലയിരുത്തുന്നത്.
എന്നാലിപ്പോൾ മെസി പി.എസ്.ജി വിടുകയാണെങ്കിൽ താരത്തിന് പകരം റൊണാൾഡോയുടെ പോർച്ചുഗീസ് ടീമിലെ പകരക്കാരനെ പി.എസ്. ജി തങ്ങളുടെ ക്ലബ്ബിലെക്കെത്തിക്കുമെന്ന റിപ്പോർട്ടുകൾ പുറത്ത് വരുന്നുണ്ട്.
