രണ്ടാം ടെസ്റ്റിലും ഇന്ത്യ തോറ്റാല്‍ കോഹ്‌ലി ക്യാപ്റ്റന്‍സി ഒഴിയേണ്ടിവരും: മോണ്ടി പനേസര്‍
ഡൂള്‍ന്യൂസ് ഡെസ്‌ക്
Wednesday, 10th February 2021, 7:04 pm
ചെന്നൈ: ഇംഗ്ലണ്ടിനെതിരായ രണ്ടാം ടെസ്റ്റിലും ഇന്ത്യ തോല്‍ക്കുകയാണെങ്കില്‍ വിരാട് കോഹ്‌ലി ക്യാപ്റ്റന്‍ സ്ഥാനത്ത് നിന്ന് മാറിനില്‍ക്കേണ്ടി വരുമെന്ന് മുന്‍ ഇംഗ്ലണ്ട് സ്പിന്നര്‍ മോണ്ടി പനേസര്‍. വിയോണിന് നല്‍കിയ അഭിമുഖത്തിലായിരുന്നു അദ്ദേഹത്തിന്റെ പരാമര്‍ശം.
‘കോഹ്‌ലി പ്രഗല്‍ഭനായ കളിക്കാരനാണ് എന്നതില്‍ സംശയമില്ല. എന്നാല്‍ അദ്ദേഹത്തിന് കീഴില്‍ ടീമിന് ശോഭിക്കാനാകുന്നില്ല. കഴിഞ്ഞ നാല് ടെസ്റ്റുകളുടെ ഫലമെടുത്താല്‍ അത് മനസിലാക്കാം’, പനേസര്‍ പറഞ്ഞു.
