'കൂടുതല്‍ സംസാരിച്ചാല്‍ എനിക്കെതിരെ രാജ്യദ്രോഹം ചുമത്തും'; കൊവിഡ് പ്രതിരോധത്തില്‍ യു.പി സര്‍ക്കാരിന്റെ വീഴ്ച്ചക്കെതിരെ ബി.ജെ.പി എം.എല്‍.എ
ഡൂള്‍ന്യൂസ് ഡെസ്‌ക്
Tuesday, 18th May 2021, 7:59 am
ലഖ്നൗ: കൊവിഡ് പ്രതിരോധത്തില്‍ വീഴ്ച്ച വരുത്തുന്നതിനെതിരെ ഉത്തര്‍പ്രദേശിലെ യോഗി സര്‍ക്കാരിനെതിരെ ബി.ജെ.പി എം.എല്‍.എ.
സീതാപൂര്‍ മണ്ഡലം എം.എല്‍.എയായ രാകേഷ് രാത്തോഡ് ആണ് വിമര്‍ശനവുമായി രംഗത്ത് എത്തിയത്.
തന്നെപ്പോലെയുള്ള എം.എല്‍.എമാരുടെ വാക്കിന് ഒരു വിലയും സര്‍ക്കാര്‍ കല്‍പ്പിക്കുന്നില്ലെന്നും തന്റെ മണ്ഡലമായ സീതാപൂരില്‍ സര്‍ക്കാര്‍ ട്രോമ സെന്റര്‍ സജ്ജമാക്കുന്നതിന് ശ്രമിച്ചിട്ടും അത് നടപ്പിലാക്കുന്നില്ലെന്നും അദ്ദേഹം പറഞ്ഞു.
താന്‍ കൂടുതല്‍ സംസാരിച്ചാല്‍ തനിക്കെതിരെ രാജ്യദ്രോഹക്കുറ്റം ചുമത്തുമെന്നും അദ്ദേഹം പറഞ്ഞു.
നേരത്തെയും യോഗി സര്‍ക്കാരിനെതിരെയും പ്രധാനമന്ത്രി നരേന്ദ്രമോദിക്കെതിരെയും രാത്തോഡ് രംഗത്ത് എത്തിയിരുന്നു.
