കോഴിക്കോട്: മഴക്കെടുതിയില്‍പ്പെട്ട ഉപഭോക്താക്കള്‍ക്കായി സൗജന്യ ടോക് ടൈമും ഡാറ്റയും ഹെല്‍പ്പ് ലൈനും പ്രഖ്യാപിച്ച് വോഡഫോണും ഐഡിയയും. അടിയന്തര ആവശ്യങ്ങള്‍ക്കായി 10 രൂപയുടെ ടോക് ടൈമാണ് ഇവര്‍ നല്‍കുന്നത്.
വോഡഫോണ്‍ ഉപഭോക്താക്കള്‍ക്ക് *130# എന്നും ഐഡിയ ഉപഭോക്താക്കള്‍ക്ക് *150*150# എന്നും ഡയല്‍ ചെയ്ത് ടോക് ടൈം നേടാം. ഇതിനു പുറമേ ഒരു ജിബി ഡാറ്റയും കേരളത്തിലെ എല്ലാ വോഡഫോണ്‍, ഐഡിയ ഉപഭോക്താക്കള്‍ക്കും സൗജന്യമായി ലഭിക്കും.
1948 എന്ന നമ്പറില്‍ അടിയന്തര ആവശ്യങ്ങള്‍ക്കു ബന്ധപ്പെടുന്നതിനായി ഹെല്‍പ്പ് ലൈന്‍ സൗകര്യവും വോഡഫോണും ഐഡിയയും ഒരുക്കിയിട്ടുണ്ട്.
വോഡഫോണിന്റെയും ഐഡിയയുടെയും ഉപഭോക്താക്കളെ ആരെയെങ്കിലും കാണാതായിട്ടുണ്ടെങ്കില്‍ 1948 എന്ന നമ്പറില്‍ വിളിച്ച് കാണാതായ ആളുടെ ഫോണ്‍ നമ്പര്‍ നല്‍കിയാല്‍ ആള്‍ ഏറ്റവുമവസാനം ഏത് ടവറിനു കീഴിലായിരുന്നു എന്ന വിവരം എസ്.എം.എസ് ആയി ലഭിക്കും.
