'അത് വ്യാജ വാര്‍ത്തയാണ്'; ഗുജറാത്ത് കമ്പനിയുമായി ബന്ധപ്പെട്ട ഉദിത്ത് രാജിന്റെ ആരോപണത്തോട് ഐ.സി.എം.ആറിന്റെ മറുപടി
ഡൂള്‍ന്യൂസ് ഡെസ്‌ക്
Monday, 27th April 2020, 6:40 pm
ന്യൂദല്‍ഹി: കൊവിഡ് ടെസ്റ്റിങ് കിറ്റുകളുടെ വിലയുമായി ബന്ധപ്പെട്ട് കോണ്‍ഗ്രസ് നേതാവ് ഉദിത്ത് രാജിന്റെ ആരോപണങ്ങളെ തള്ളി ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് (ഐ.സി.എം.ആര്‍). ഉദിത്ത് രാജിന്റെ ട്വീറ്റിലെ ആരോപണങ്ങള്‍ക്കെതിരെയാണ് ഐ.സി.എം.ആര്‍ രംഗത്തെത്തിയിരിക്കുന്നത്.
500 രൂപയ്ക്ക് ടെസ്റ്റിങ് കിറ്റുകള്‍ നിര്‍മ്മിച്ച് നല്‍കുന്ന കമ്പനികളെ ഒഴിവാക്കി അധികൃതര്‍ 4500 രൂപയ്ക്ക് കിറ്റ് നിര്‍മ്മിക്കുന്ന ഗുജറാത്തിലെ കമ്പനിയെ സമീപിച്ചെന്ന കാര്യങ്ങളുടെ സ്‌ക്രീന്‍ ഷോട്ടാണ് ഉദിത്ത് ട്വീറ്റ് ചെയ്തത്.
