റോസ്‌തോവ് അറീന: മൂന്ന് കളിയും ജയിച്ച് ഗ്രൂപ്പ് ചാമ്പ്യന്‍മാരായി ക്രൊയേഷ്യ പ്രീക്വാര്‍ട്ടറിലേക്ക്. 76ാം മിനിറ്റില്‍ സിഗൂര്‍സ്സണ്‍ പെനാല്‍റ്റിയിലൂടെ സമനില പിടിച്ച ഐസ്‌ലാന്‍ഡിനെ 90ാം മിനിറ്റില്‍ പെന്‍സിക് നേടിയ ഗോളിലൂടെയാണ് ക്രൊയേഷ്യ ജയം പിടിച്ചെടുത്തത്.
ഗോള്‍രഹിതമായ ആദ്യ പകുതിയ്ക്കുശേഷം ക്രൊയേഷ്യയാണ് ആദ്യ ഗോള്‍ നേടിയത് . ഇരുടീമുകള്‍ക്കും ആദ്യപകുതിയില്‍ ഗോളവസരങ്ങള്‍ കിട്ടിയിരുന്നെങ്കിലും അവസരം മുതലാക്കാനായിരുന്നില്ല.
രണ്ടാം പകുതി തുടങ്ങി ഉന്‍ തന്നെ മിലന്‍ ബഡല്‍ജിയാണ് ക്രൊയേഷ്യയ്ക്കായി വല ചലിപ്പിച്ചത്.
കഴിഞ്ഞ തവണ അര്‍ജന്റീനക്കെതിരെ മത്സരിച്ച ടീമിലെ ഒമ്പത് പേരെ പുറത്തിരുത്തിയാണ് ക്രൊയേഷ്യ ഐസ്‌ലാന്‍ഡിനെതിരെ കളിക്കാനിറങ്ങിയത്.