ഐ.സി.സി വനിതാ ടി-20 ലോകകപ്പില്‍ ശ്രീലങ്കയെ പരാജയപ്പെടുത്തി ഇന്ത്യ. ദുബായ് അന്താരാഷ്ട്ര സ്റ്റേഡിയത്തില്‍ നടന്ന മത്സരത്തില്‍ 82 റണ്‍സിനാണ് ഇന്ത്യ വിജയിച്ചുകയറിയത്. ലോകകപ്പില്‍ ഇന്ത്യയുടെ രണ്ടാം വിജയമാണിത്.
ഇന്ത്യ ഉയര്‍ത്തിയ 173 റണ്‍സിന്റെ വിജയലക്ഷ്യം പിന്തുടര്‍ന്നിറങ്ങിയ ശ്രീലങ്കക്ക് 90 റണ്‍സ് മാത്രമാണ് നേടാന്‍ സാധിച്ചത്.
🔙 to 🔙 victories for the #WomeninBlue 💪
A marvellous 82-run win against Sri Lanka – #TeamIndia‘s largest win in the #T20WorldCup 👏👏
📸: ICC
Scorecard ▶️ https://t.co/4CwKjmWL30#INDvSL pic.twitter.com/lZd9UeoSnJ
— BCCI Women (@BCCIWomen) October 9, 2024
തിളങ്ങി ക്യാപ്റ്റനും വൈസ് ക്യാപ്റ്റനും
ബാറ്റിങ്ങിനിറങ്ങിയ ഇന്ത്യക്ക് ക്യാപ്റ്റന്‍ ഹര്‍മന്‍പ്രീത് കൗറിന്റെയും വൈസ് ക്യാപ്റ്റന്‍ സ്മൃതി മന്ഥാനയുടെയും അര്‍ധ സെഞ്ച്വറികള്‍ കരുത്തായി.
കൗര്‍ 27 പന്തില്‍ 52 റണ്‍സ് സ്വന്തമാക്കി. എട്ട് ഫോറും ഒരു സിക്സറും ഉള്‍പ്പെടെ 192.59 എന്ന തകര്‍പ്പന്‍ സ്ട്രൈക്ക് റേറ്റിലാണ് ക്യാപ്റ്റന്‍ റണ്ണടിച്ചുകൂട്ടിയത്.
അര്‍ധ സെഞ്ച്വറി പൂര്‍ത്തിയാക്കിയതിന് പിന്നാലെയാണ് സ്മൃതി മന്ഥാന റണ്‍ ഔട്ടായി പുറത്തായത്. 38 പന്തില്‍ നിന്നും 50 റണ്‍സാണ് താരം നേടിയത്. നാല് ഫോറും ഒരു സിക്സറും അടങ്ങുന്നതായിരുന്നു മന്ഥാനയുടെ ഇന്നിങ്സ്.
40 പന്തില്‍ 43 റണ്‍സ് നേടിയ ഷെഫാലി വര്‍മയുടെ ഇന്നിങ്‌സും ഇന്ത്യക്ക് തുണയായി.
