പ്രഥമ ലോക ടെസ്റ്റ് ചാംപ്യന്‍ഷിപ്പ് ന്യൂസിലാന്റിന്; ഇന്ത്യയ്ക്ക് എട്ട് വിക്കറ്റിന്റെ തോല്‍വി
സ്പോര്‍ട്സ് ഡെസ്‌ക്
Wednesday, 23rd June 2021, 11:59 pm
സതാംപ്ടണ്‍: പ്രഥമ ഐ.സി.സി. ലോക ടെസ്റ്റ് ചാംപ്യന്‍ഷിപ്പ് കിരീടം ന്യൂസിലാന്റിന്. ഇന്ത്യയെ എട്ട് വിക്കറ്റിനാണ് ന്യൂസിലന്‍ഡ് തോല്‍പ്പിച്ചത്. കെയിന്‍ വില്യംസിന്റെ കരുത്തിലാണ് ന്യൂസിലാന്റ് കപ്പ് സ്വന്തമാക്കിയത്.
രണ്ടാം ഇന്നിങ്സില്‍ ഇന്ത്യ ഉയര്‍ത്തിയ 139 റണ്‍സ് എന്ന വിജയലക്ഷ്യം പിന്തുടര്‍ന്ന ന്യൂസിലാന്റ് വിജയം നേടുകയായിരുന്നു. കെയിന്‍ വില്യംസണും റോസ് ടെയ്ലറും ചേര്‍ന്നാണ് കിവികളെ വിജയത്തിലേക്ക് നയിച്ചത്.
89 പന്തില്‍ എട്ടു ബൗണ്ടറികളോടെ വില്യംസനും 100 പന്തില്‍ ആറു ബൗണ്ടറികള്‍ സഹിതം 47 റണ്‍സുമായി ടൈലറും പുറത്താകാതെ നിന്നു. സ്‌കോര്‍: ഇന്ത്യ 217 & 170, ന്യൂസിലാന്റ് 249 & 140/2.
44 റണ്‍സിനിടെ ഡെവോണ്‍ കോണ്‍വെ (19), ടോം ലാതം (9) എന്നിവര്‍ പുറത്തുപോയിരുന്നു. തുടര്‍ന്നാണ്. വില്യംസണ്‍- ടെയ്‌ലര്‍ സഖ്യം ഒന്നിക്കുകയും വിജയം വരിക്കുകയും ചെയ്തത്.
