പുരുഷ ടെസ്റ്റ് കളിക്കാരുടെ റാങ്കിങ് പുറത്തുവിട്ട് ഐ.സി.സി. ഒസീസിന്റെ മാര്‍നസ് ലബുഷാഗാണ് ലിസ്റ്റില്‍ ഒന്നാമതുള്ളത്. ഓസ്ട്രേലിയന്‍ കളിക്കാരാണ് ആദ്യ നാലില്‍ ഉള്‍പ്പെടുന്നത്. ആദ്യ പത്തില്‍ ആറ് ഓസ്ട്രേലിയന്‍ താരങ്ങളാണുള്ളത്.
റിഷഭ് പന്ത് മാത്രമാണ് ആദ്യ പത്തില്‍ ഉള്‍പ്പെട്ട ഒരേയൊരു ഇന്ത്യന്‍ താരം. അതും പത്താം സ്ഥാനത്ത്. കാര്‍ അപകടത്തില്‍പ്പെട്ട് ചികിത്സയിലുള്ള റിഷഭ് പന്തിന് 758 പോയിന്റാണുള്ളത്.
The last time three batters from the same side occupied the top three positions in the @MRFWorldwide ICC Men’s Test rankings was in 1984!
More ➡️ https://t.co/4C5bAV7FoQ pic.twitter.com/IwXXxKFqJf
— ICC (@ICC) June 14, 2023
ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ ഇന്ത്യക്കെതിരെ 121 റണ്‍സിന്റെ മികച്ച ഇന്നിങ്‌സ് കളിച്ചതിന് ശേഷം സ്റ്റീവ് സ്മിത്ത് തന്റെ റാങ്കിങ്ങില്‍ ഒരു സ്ഥാനം മെച്ചപ്പെടുത്തി.
പുതിയ റാങ്കിങില്‍ 885 പോയിന്റുമായി സ്മിത്ത് രണ്ടാം സ്ഥാനത്താണ്. ഡബ്ല്യു.ടി.സി ഫൈനലിലെ സ്റ്റാര്‍ പെര്‍ഫോമറായ ടാവിസ് ഹെഡ് തന്റെ റാങ്കിങ് മൂന്ന് സ്ഥാനങ്ങള്‍ മെച്ചപ്പെടുത്തി. ലിസ്റ്റില്‍ മൂന്നാമതാണ് താരം.
