മിണ്ടാതിരുന്ന് വിഡ്ഢിയാകാം; മിലാനില്‍ വിവാദം ശക്തം; വിവാദ പോസ്റ്റുമായി ഇക്കാര്‍ഡി
മിലാന്‍: ഇന്റര്‍ മിലാനിലെ പ്രശ്‌നങ്ങള്‍ കൊഴുപ്പിച്ച് ക്ലബ് നായകനും അര്‍ജന്റീനയുടെ മുന്നേറ്റതാരവുമായ ഇക്കാര്‍ഡിയുടെ ഇന്‍സ്റ്റഗ്രാം പോസ്റ്റ്. തനിക്കെതിരായ ആരോപണങ്ങള്‍ക്ക് മറുപടി നല്‍കാന്‍ നല്ലപോലെ അറിയാമെന്ന സൂചനയാണ് പോസ്റ്റിലുള്ളത്. “” മിണ്ടാതിരുന്ന് വിഡ്ഢിയാകുന്നതാണ് സംസാരിച്ച് പ്രശ്‌നങ്ങള്‍ തീര്‍ക്കുന്നതിനേക്കാള്‍ നല്ലതെന്ന മാര്‍ക് ട്വയിന്റെ വാക്കുകളാണ് ഇക്കാര്‍ഡി പോസ്റ്റ് ചെയ്തത്.
ALSO READ: പുല്‍വാമ ആക്രമണം; റിയല്‍ കശ്മീരിനെതിരായ മത്സരം മാറ്റിവെക്കണമെന്ന് മിനര്‍വ പഞ്ചാബും
കഴിഞ്ഞ ദിവസമാണ് താരത്തെ ക്യാപറ്റന്‍ സ്ഥാനത്ത് നിന്ന് ക്ലബ് നീക്കിയത്. പകരം ക്യാപ്റ്റനായി ഹാന്‍ഡ്‌നോവിച്ചിനെയാണ് ക്ലബ് നിയമിച്ചത്. ഇതില്‍ രോഷകുലനായ താരം ക്ലബിനായി കളിക്കില്ലെന്ന് വ്യക്തമാക്കിയിരുന്നു.
കഴിഞ്ഞ ദിവസം യൂറോപ്പ ലീഗില്‍ ഇക്കാര്‍ഡിയില്ലാതെ ക്ലബ് റാപിഡ് വിയന്നയ്‌ക്കെതിരെ ജയിച്ചിരുന്നു. താരവുമായി കരാര്‍ സംബന്ധിച്ച പ്രശ്‌നങ്ങളാണ് ക്യാപ്റ്റന്‍സിയില്‍ നിന്ന് നീക്കം ചെയ്യുന്നതിലേക്ക് ക്ലബ് അധികൃതരെ എത്തിച്ചത്. താരത്തിനെ ക്യാപ്റ്റന്‍സിയില്‍ നിന്ന് നീക്കം ചെയ്യുന്നത് നല്ലതാണെന്ന് പരിശീലകന്‍ സ്പാലെറ്റി വ്യക്തമാക്കിയിരുന്നു.