സച്ചിന്‍ പൈലറ്റിനൊപ്പം തന്നെ; ഗെലോട്ടിനെ പരസ്യമായി പ്രകീര്‍ത്തിച്ചതിന് പിന്നാലെ എം.എല്‍.എ
ഡൂള്‍ന്യൂസ് ഡെസ്‌ക്
Wednesday, 26th May 2021, 10:08 am
ജയ്പൂര്‍: രാജസ്ഥാന്‍ മുഖ്യമന്ത്രി അശോക് ഗെലോട്ടിനെ പരസ്യമായി പ്രകീര്‍ത്തിച്ചതിന് പിന്നാലെ താന്‍ സച്ചിന്‍ പൈലറ്റിനൊപ്പം തന്നെയാണെന്ന് വ്യക്തമാക്കി എം.എല്‍.എ ഇന്ദ്രജ് ഗുര്‍ജര്‍. അന്നും ഇന്നും എന്നും സച്ചിനൊപ്പം തന്നെയാണെന്ന് ഇന്ദ്രജ് ട്വീറ്റ് ചെയ്തു.
‘എല്ലാം രാഷ്ട്രീയനേട്ടങ്ങള്‍ക്ക് വേണ്ടിയല്ല. എന്റെ നേതാവ് എന്റെ അഭിമാനമാണ്. ഞാന്‍ അദ്ദേഹത്തിനൊപ്പമായിരുന്നു. ഇനിയും അങ്ങനെയായിരിക്കും. സച്ചിന്‍ പൈലറ്റ് സിന്ദാബാദ്, കോണ്‍ഗ്രസ് പാര്‍ട്ടി സിന്ദാബാദ്,’ ഇന്ദ്രജ് ട്വീറ്റ് ചെയ്തു.
മുഖ്യമന്ത്രി അശോക് ഗെലോട്ടിനെതിരായ വിമത നീക്കങ്ങളെ തുടര്‍ന്ന് സച്ചിന്‍ പൈലറ്റിന് കഴിഞ്ഞ വര്‍ഷം കോണ്‍ഗ്രസ് അധ്യക്ഷസ്ഥാനവും ഉപമുഖ്യമന്ത്രി പദവും നഷ്ടമായിരുന്നു. പിന്നീട് നേതൃത്വം സച്ചിനേയും സംഘത്തേയും അനുനയിപ്പിക്കുകയായിരുന്നു.
19 എം.എല്‍.എമാരുടെ പിന്തുണയാണ് സച്ചിനുണ്ടായിരുന്നത്.
