ഞാനൊരു മാധ്യമപ്രവര്‍ത്തകന്‍ കൂടിയായിരുന്നു; സുപ്രീംകോടതി നടപടികള്‍ ലൈവ് ടെലികാസ്റ്റ് ചെയ്യുന്നത് പരിഗണിക്കാമെന്ന് ചീഫ് ജസ്റ്റിസ് രമണ
ഡൂള്‍ന്യൂസ് ഡെസ്‌ക്
Thursday, 13th May 2021, 5:42 pm
ന്യൂദല്‍ഹി: സുപ്രീംകോടതിയുടെ നടപടികള്‍ തത്സമയം സംപ്രേഷണം ചെയ്യാനുള്ള നിര്‍ദേശം സജീവമായി പരിഗണിക്കുകയാണെന്ന് ചീഫ് ജസ്റ്റിസ് എന്‍.വി രമണ.
ഇക്കാര്യത്തില്‍ ശക്തമായ നടപടികള്‍ ആരംഭിക്കുന്നതിനുമുമ്പ് സുപ്രീംകോടതിയിലെ തന്റെ സഹപ്രവര്‍ത്തകര്‍ക്കിടയില്‍ പൊതുവായ അഭിപ്രായ സമന്വയം തേടുമെന്നും അദ്ദേഹം പറഞ്ഞു.
സുപ്രീംകോടതിയുടെ വെര്‍ച്വല്‍ നടപടികള്‍ മാധ്യമ പ്രവര്‍ത്തകര്‍ക്ക് അനുവദിക്കുന്നതിനുള്ള അപ്ലിക്കേഷന്‍ ലോഞ്ച് ചെയ്ത് സംസാരിക്കുകയായിരുന്നു ജസ്റ്റിസ് രമണ.
മാധ്യമപ്രവര്‍ത്തകനായി പ്രവര്‍ത്തിച്ച കാലത്തെ കുറിച്ചും ചീഫ് ജസ്റ്റിസ് രമണ ഓര്‍ത്തെടുത്തു.
താന്‍ കുറച്ചു കാലം മാധ്യമപ്രവര്‍ത്തകനായിരുന്നുവെന്ന് അദ്ദേഹം പറഞ്ഞു.
