കൊച്ചി: യുവ ഗായകരില്‍ ഏറെ ആരാധകരുള്ള വ്യക്തിയാണ് കെ.എസ് ഹരിശങ്കര്‍, മെലഡി രാജ, കേരളത്തിന്റെ അര്‍ജിത് സിംഗ് എന്നിങ്ങനെ ചില വിളിപ്പേരുകളും ഈ യുവഗായകന് ആരാധകര്‍ ചാര്‍ത്തിക്കൊടുത്തിട്ടുണ്ട്.
എന്നാല്‍ ഹരിശങ്കര്‍ മതം മാറിയോ എന്നാണ് ആരാധകര്‍ ചോദിക്കുന്നത്. ഹരിയുടെ ഒഫീഷ്യല്‍ ഫേസ്ബുക്ക് പേജിലെ പേര് മാറിയതാണ് ഈ ചോദ്യങ്ങള്‍ക്ക് കാരണമായത്.
‘എന്റെ പ്രൊഫൈല്‍ പേര് മാറിയത് കണ്ട് പലരും സംശയിച്ചു. എന്നാല്‍ അത് ഹാക്ക് ചെയ്യപ്പെട്ടതായിരുന്നു. പേജ് തിരിച്ചുപിടിക്കാന്‍ ശ്രമിക്കുന്നുണ്ട്. ഞാന്‍ മതം മാറിയിട്ടില്ല.’ ഹരിശങ്കര്‍ പറഞ്ഞു.
കെ.എസ് ഹരിശങ്കര്‍ എന്ന ഫേസ്ബുക്ക് പേജ് കെ.എസ് ഹരിശങ്കര്‍ യൂസഫ് യിഗിത് എന്നാണ് ഫേസ്ബുക്കില്‍ പേര് മാറിയത്. നിരവധിപേര്‍ പേരുമാറ്റം ചോദിച്ച് മെസേജുകള്‍ അയച്ചിരുന്നെന്നും ഹരിശങ്കര്‍ പറഞ്ഞു.
