മലയാള സിനിമയെ കുറിച്ച് സംസാരിക്കുകയാണ് ദുല്ഖര് സല്‍മാന്‍. വലിയ കൊമേഴ്ഷ്യല്‍ സിനിമകളല്ല മലയാളത്തിലുണ്ടാകുന്നതെന്നും കഥയിലാണ് ശ്രദ്ധ കേന്ദ്രീകരിക്കുന്നതെന്നും ദുല്ഖര് പറഞ്ഞു. അതുകൊണ്ടാണ് മലയാള സിനിമകള്‍ക്ക് ഒ.ടി.ടിയില്‍ കൂടുതല്‍ റീച്ചുണ്ടാകുന്നതെന്നും സിദ്ധാര്‍ത്ഥ് കണ്ണന് നല്‍കിയ അഭിമുഖത്തില്‍ ദുല്ഖര് പറഞ്ഞു.
‘റീച്ചുണ്ടാകുന്ന വലിയ കൊമേഴ്ഷ്യല്‍ സിനിമകളല്ല മലയാളത്തിലുണ്ടാകുന്നത്. കഥയിലാണ് ശ്രദ്ധ കേന്ദ്രീകരിക്കുന്നത്. അതുകൊണ്ടാണ് മലയാള സിനിമകള്‍ക്ക് ഒ.ടി.ടിയില്‍ കൂടുതല്‍ റീച്ച് കിട്ടുന്നത്. എന്നാല്‍ ഇത് മാറുമെന്ന് തോന്നുന്നു. വലിയ സ്വപ്‌നങ്ങള്‍ കാണാനുള്ള ധൈര്യം ഇപ്പോള്‍ മലയാളം ഇന്‍ഡസ്ട്രിക്കുണ്ട്,’ ദുല്ഖര് പറഞ്ഞു.
രാം ചരണിനേയും ജൂനിയര്‍ എന്‍.ടി.ആറിനേയും ദുല്‍ഖറിനേയും ഒരു ചിത്രത്തില്‍ കാണണമെന്ന ഒരു ആരാധകന്റെ കമന്റ് ചൂണ്ടിക്കാണിച്ചപ്പോള്‍ തനിക്ക് അവരെ പോലെ ഡാന്‍സ് കളിക്കാന്‍ സാധിക്കില്ലെന്നാണ് ദുല്ഖര് പറഞ്ഞത്.
