[]കൊച്ചി: സ്വര്‍ണക്കടത്ത് കേസുമായി ബന്ധപ്പെട്ട് തനിക്ക് സി.ബി.ഐ നോട്ടീസ് ലഭിച്ചിട്ടില്ലെന്ന് നടി മൈഥിലി.

മാധ്യമങ്ങള്‍ ഇത്തരം വാര്‍ത്തകള്‍ സൃഷ്ടിക്കുന്നതില്‍ ദു:ഖമുണ്ടെന്നും മൈഥിലി പറഞ്ഞു. റിപ്പോര്‍ട്ടര്‍ ടിവിയോട് പ്രതികരിക്കുകയായിരുന്നു മൈഥിലി.

സ്വര്‍ണക്കടത്ത് കേസിലെ പ്രധാന പ്രതിയായ ഫയാസ് തന്റെ സുഹൃത്താണ്. ഫയാസിന്റെ സിംകാര്‍ഡ് താന്‍ ഉപയോഗിച്ചുവെന്നത് സത്യമാണ്. മുന്‍ മിസ് സൗത്ത് ഇന്ത്യ ശ്രവ്യ സുധാകറിനെ ഫയാസിന് പരിചയപ്പെടുത്തിയത് താനല്ല- മൈഥിലി പറഞ്ഞു.

ഡിസംബര്‍ 10നാണ് മൈഥിലിക്ക് സി.ബി.ഐ നോട്ടീസ് അയച്ചു എന്ന വാര്‍ത്ത പുറത്ത് വന്നത്.

ഫയാസ് ഉപയോഗിച്ച ഒരു ഫാന്‍സി മൊബൈല്‍ നമ്പര്‍ പിന്നീട് മൈഥിലി ഉപയോഗിച്ചിരുന്നുവെന്നും ഇരുവരും ഫോണില്‍ ബന്ധപ്പെട്ടിരുന്നുവെന്നും അന്വേഷണ സംഘം കണ്ടെത്തിയതിനെ തുടര്‍ന്നാണ് സി.ബി.ഐ നോട്ടീസ് അയച്ചത് എന്നായിരുന്നു വാര്‍ത്ത.